દમણમાં ફરી એક વખત ફાયરિંગની ઘટના બની છે. દમણના કોર્પોરેટર સલીમ મેમણ પર અજાણ્યા શખ્સો 5 રાઉન્ડ ફાયર કરીને ફરાર થયા છે. સલીમ મેમણ શો રૂમમાં હતો ત્યારે અજાણ્યા શખ્સોએ ફાયરિંગ કર્યું હતું.
દમણમાં ફરી એક વખત ફાયરિંગની ઘટના
દમણના કોર્પોરેટર સલીમ મેમણ પર ફાયરિંગ
સલીમ મેમણ શો રૂમમાં હતો ત્યારે અજાણ્યા શખ્સોએ કર્યુ ફાયરિંગ
અજાણ્યા શખ્શો દ્વારા કરવામાં આવેલા ફાયરિંગમાં સલીમ મેમણનું મોત થયું છે. જો કે બીજી તરફ સલીમ મેમણનો ઇતિહાસ પણ ગુનાહિત હોવાનું સામે આવ્યું છે. સલીમ મેમણ પર ખંડણી અને બળાત્કારના કેસ દાખલ છે. હાલ આ મામલે પોલીસ તપાસ કરી રહી છે.
પ્રાપ્ત મળતી વિગત અનુસાર દમણ નગરપાલિકાના નામચીન પૂર્વ કોર્પોરેટર સલીમણ મેમણની ગોળી મારી હત્યા કરી દેવામાં આવી છે. દમણના ભરચક વિસ્તાર ખારીવાડમાં બનેલી આ ઘટના કારણે સમગ્ર પ્રદેશમાં ખળભળાટ મચી ગયો છે. ઘટનાની જાણ થતાં જ દમણના ઉચ્ચ પોલીસ અધિકારીઓનો કાફલો ઘટનાસ્થલે પહોંચી ગયો હતો.
જો કે પોલીસ હાલમાં હત્યારાઓને શોધવા તમામ દિશામાં તપાસ હાથ ધરી રહી છે. જો કે હત્યાનું કારણ હજુ સુધી સ્પષ્ટ થયું નથી. પરંતુ સલીમ મેમણ પણ ગંભીરગુનાઓના અનેક ગુનાઓના કેસમાં સંડોવાયેલો હોવાથી કોઇ મોટા વિવાદના કારણે હત્યા થઇ હોવાનું ચર્ચાઇ રહ્યું છે.