પ્રોસેસ / FASTag ચોરી થાય, ડેમેજ થાય કે ફાટી જાય તો ઘરે બેઠા કરી લો આ કામ, નહીં રહે કોઈ સમસ્યા

• FASTag માટે આ વાતો જાણવી છે જરૂરી
• જાણો ફાસ્ટેગ ડેમેજ કે ચોરી થાય તો શું કરશો
• કઈ પ્રોસેસથી ઘરે બેઠા નવો ફાસ્ટેગ બનાવી શકાશે
• FASTagના રૂપિયાને કઈ રીતે કરી શકાશે સેફ

દેશમાં દરેક ગાડી પર FASTag લગાવવું જરૂરી બન્યું છે. ફાસ્ટેગને ગાડીની વિંડસ્ક્રીન પર લગાવવાનું હોય છે. તેને લગાવ્યા બાદ ટોલ પ્લાઝાથી પસાર થતાં ત્યાં લાગેલા કેમેરા તેને સ્કેન કરી લે છે અને ટોલની રકમ તમારા એેકાઉન્ટથી જાતે જ કપાઈ જાય છે. ગણતરીની સેકંડમાં આ કામ થઈ જાય છે. 
 

FASTag ખોવાઈ જાય, ડેમેજ થાય કે ફાટી જાય તો શું કરશો
સડક પરિવહન અને રાજમાર્ગ મંત્રાલયના આધારે એક વાહન માટે ફક્ત એક ફાસ્ટેગ મળે છે. જો તે ડેમેજ થાય તો તમે તેને સરળતાથી બદલી શકો છો. એક ગાડી માટે એક જ ફાસ્ટેગ મળે છે. તેમાં વ્હીકલ રજિસ્ટ્રેશન સર્ટિફિકેટ, ટેગ આઈડી સહિત અનેક ડિટેલ્સ સામેલ હોય છે. જૂની ડિટેલ આપીને ફરીથી તમે તેને ઈશ્યૂ કરાવી શકો છો. 

ફરીથી કેવી રીતે FASTag બનાવી શકાશે
જો તમારું ફાસ્ટેગ કામ નથી કરી રહ્યું કો તમે ઘરે બેસીને ફરીથી નવું FASTag બનાવી શકો છો. આ માટે તમારે તમારા પેટીએમની મદદથી નવું ફાસ્ટેગ બનાવવાનું રહે છે. જેના માટે 100 રૂપિયાનો ચાર્જ લેવાય છે. તમે એપની મદદથી ગાડીની RC અને રજિસ્ટર્ડ મોબાઈલ નંબર આપીને ફરીથી FASTag મંગાવી શકો છો. 
 
FASTag રાખેલી કેશની વેલિડીટી ક્યાં સુધી હોય છે.

ફાસ્ટેગમાં રાખેલા કેશની વેલિડિટી અનલિમિટેડ હોય છે. ક્યારેય પણ તેને ચેન્જ કરવું પડે તો તમારા રૂપિયા નવા FASTagમાં ટ્રાન્સફર થઈ જાય છે. માય FASTag એપ કે નેટબેંકિંગ, ક્રેડિટ કે ડેબિટ કાર્ડ, યૂપીઆઈ, પેટીએમ અને અન્ય લોકપ્રિય સુવિધાથી તમે તેને રીચાર્જ કરી શકો છો. આ એપ્સની મદદથી ફાસ્ટેગ બદલી શકાય છે. 

ફાસ્ટેગ ખોવાઈ જાય તો તેના રૂપિયાનું શું થશે
ગાડી ચોરી થાય તો બેંકની હેલ્પલાઈન પર ફોન કરીને FASTagને બ્લોક કરાવી શકાય છે. ગાડીના કાચ તૂટે તો ફાસ્ટેગ ખરાબ થાય છે. આ સમયે તેને ગમે ત્યારે બદલી શકો છો. તમે પોતે બેંક કે અન્ય ફાસ્ટેગ સેન્ટરમાં જઈને પોતાની ગાડીની આરસી અને દસ્તાવેજ દેખાડીને ફરીથી નવું ફાસ્ટેગ લઈ શકો છો. આ માટે કોઈ ચાર્જ હોતો નથી. 
 

જો તમે પહેલી વાર FASTag માટે એપ્લાય કરો છો તો તે સમયે એક FASTag એકાઉન્ટ જનરેટ હોય છે. જે હંમેશા માટે કાયમ રહે છે. FASTag ખાતાને ઓનલાઈન એપની મદદથી પણ યૂઝ કરી શકાય છે. ફાસ્ટેગ બદલાય તો પણ જૂના એકાઉન્ટના ડિટેલને વેરીફાઈ કરીને નવું ફાસ્ટેગ બનાવી શકાય છે.