આજકાલ લોકો ફિટ રહેવા માટે દરરોજ 10 હજાર સ્ટેપ્સ ચાલવાનો ગોલ સેટ કરે છે. પરંતુ નોર્મલ ગતિએ માત્ર 10,000 સ્ટેપ્સ ચાલવાથી તમે સ્વસ્થ રહી શકતા નથી.
ફિટ રહેવા માટે 10 હજાર સ્ટેપ્સ ચાલવા જરૂરી નથી
યોગ્ય રીતે ચાલવાથી રહેવાશે ફીટ
જાણો એક્સરસાઈઝ માટે શું રસ્તો અપનાવશો
આજકાલ મોટાભાગના લોકો ફિટ રહેવા માટે દરરોજ ઓછામાં ઓછા 10 હજાર સ્ટેપ્સ ચાલવાનો ગોલ બનાવે છે. પરંતુ એક નવા અભ્યાસ અનુસાર માત્ર સ્ટેપ્સની સંખ્યા જ નહીં, પરંતુ તમે જે ઝડપે ચાલો છો તે પરિણામ વધારવામાં મદદ કરે છે.
અભ્યાસમાં સંશોધકોએ શોધી કાઢ્યું છે કે દરરોજ 10,000 પગલાં ચાલવાથી ડિમેન્શિયા, હૃદય રોગ, કેન્સર અને મૃત્યુના જોખમો ઘટાડી શકાય છે. જો કે એક તેજ ગતિએ ચાલવાથી તમને વધુ લાભ મળશે અને 10 હજાર પગથિયાં પણ ચાલવાની જરૂર નહીં પડે.
આ પોઈન્ટ્સને રાખો ધ્યાનમાં
દરરોજ 2 હજાર સ્ટેપ્સ ચાલવાથી વહેલા મૃત્યુનું જોખમ 8-11 ટકા ઘટાડી શકાય છે. આટલું જ નહીં આટલા સ્ટેપ્સ રોજ ચાલવાથી હૃદયરોગ અને કેન્સરનું જોખમ ઘટાડી શકાય છે.
દરરોજ વધારે ચાલવાથી ડિમેન્શિયાના બધા કારણોને ઓછા કરી શકાય છે. 10 હજાર સ્ટેપ્સ ડિમેન્શિયાના ઓછા જોખમને 50 ટકા સુધી ઓછુ કરી શકાય છે. જ્યારે ડિમેન્શિયાના ખતરાને 25 ટકા સુધી 3,800 સ્ટેપ્સ પ્રતિદિવસ ચાલીને પણ ઓછો કરી શકાય છે.
ઝડપી ચાલવાથી ઓછા સ્ટેપ્સમાં જ ગંભીર બીમારીઓના ખતરાથી બચી શકાય છે.
ચાલવું કેવી રીતે ફાયદાકારક છે?
દરરોજ ચાલવાથી કાર્ડિયો વેસ્ક્યુલર એક્સરસાઇઝ, બીપી કંટ્રોલ, ખરાબ કોલેસ્ટ્રોલ ઘટાડવા, સારા કોલેસ્ટ્રોલને વધારવા, ચિંતા ઘટાડવા, બ્લડ સર્ક્યુલેશનમાં મદદ, ફેફસાંની તંદુરસ્તી, બ્લડ સુગરને નિયંત્રિત કરવામાં અને મેદસ્વીતા ઘટાડવામાં મદદ મળે છે.
તમારે કેટલું ચાલવું જોઈએ?
એક્સપર્ટ્સ અનુસાર દરેક વ્યક્તિએ દરરોજ 30 મિનિટ અને અઠવાડિયામાં પાંચ દિવસ ચાલવું જોઈએ. નોર્મલ ગતિથી થોડુ ઝડપી ચાલવાથી તમને નિશ્ચિત રૂપથી કાર્ડિયો વેસ્કુલરનો લાભ મળશે. મસલ્સ ટોન્ડ થશે. કોર તાકત વધશે અને સારી બોન ડેન્સિટીનો અનુભવ કરવું શરૂ કરી દેશે.