અત્યારે ફેશન ટ્રેન્ડ માત્ર મહિલાઓ જ નહીં પુરૂષો પણ ફોલો કરે છે. એમાંય વાળને ટ્રેન્ડી લુક આપવા માટે પુરૂષો પણ ઘણું બધું કરતાં હોય છે. જેમાં એક ખાસ વસ્તુ જેનો ઉપયોગ આજકાલ યુવાનો કરતા હોય છે એ છે હેર જેલ. માત્ર પુરૂષો જ નહીં પણ ઘણી મહિલાઓ પણ વાળમાં જેલ લગાવે છે. પણ શું તમે જાણો છો કે બજારમાં મળતા વિવિધ પ્રકારના હેર જેલ તમારા વાળને કેટલી હદે નુકસાન પહોંચાડી શકે છે. વાળને સેટ કરવા, શાઈની લુક આપવા માટે યુવાનો ખાસ તેનો ઉપયોગ કરે છે, જે તમારી હેલ્ધી સ્કેલ્પને નુકસાન પહોંચાડે છે. ચાલો જાણી તેના નુકસાન.
વાળને સારો લુક આપવા હેર જેલનો ઉપયોગ ન કરતા
વાળમાં બહુ જ ખરાબ અસર કરે છે હેર જેલ
વાળની અનેક સમસ્યાઓથી પરેશાન થઈ જશો
ડેન્ડ્રફ
હેર જેલનો ઉપયોગ કરવાથી સ્કેલ્પ ડ્રાય થઈ જાય છે. ભલે કેમિકલને કારણે હેર મોઈશ્ચરાઈઝ દેખાય, પણ સતત જેલનો ઉપયોગ કરવાથી વાળમાં ડ્રાયનેસ વધે છે અને ડેન્ડ્રફની સમસ્યા પણ થાય છે. આ સિવાય જેલને કારણે સ્કેલ્પમાં ખુજલી, બળતરા, ફોતરીઓ થવાની સમસ્યા પણ થાય છે. આવું જેલમાં પુષ્કળ કેમિકલ હોવાને કારણે થાય છે.
સીબમની સમસ્યા
આપણાં શરીરમાં સ્કિનની ચમક અને મોઈશ્ચરાઈઝ રાખવા માટે નેચરલ ઓઈલ પ્રોડ્યૂસ થાય છે. જેને સીબમ કહે છે. જો શરીરમાં પ્રોપરલી સીબમ પ્રોડ્યૂસ થાય તો સ્કિનને મોઈશ્ચરાઈઝ રાખવા માટે ક્રીમ્સની જરૂર પડતી નથી. એ જ હેરમાં પણ જેલનો ઉપયોગ કરવાથી તેમાં રહેલાં કેમિકલને કારણે સીબમનું પ્રોડક્શન અનિયંત્રિત થઈ જાય છે અને સ્કેલ્પ ડ્રાય થવા લાગે છએ.
વાળ ખરવા
શરીરમાં બધાં જ અંગોને સ્વસ્થ રાખવા માટે હાઈડ્રેશનની જરૂર પડે છે. જે આપણને પાણી અને લિક્વિ઼ડથી મળે છે. આ સિવાય સ્કિનનું મોઈશ્ચર જાળવી રાખવા માટે જ સીબમ બને છે. તે અનિયંત્રિત થવાથી સ્કિન સ્કેલ્પ ડ્રાય થાય છે અને વાળ ખરવા લાગે છે. જેથી હેર જેલ લગાવવાથી વાળ નબળાં થઈને ખરવા લાગે છે. જેલમાં રહેલાં કેમિકલ્સ સ્કિન પર રહેલાં ડેડ સ્કિન સેલ્સ સાથે મળીને સ્કિન ઈન્ફેક્શન પણ પેદા કરે છે.
વાળને શુષ્ક બનાવે છે
મોટાભાગના હેર જેલમાં આલ્કોહોલ અને અન્ય કેમિકલ્સ હોય છે. જે સ્કિનને બહુ જ નુકસાન પહોંચાડે છે અને ડિહાઈડ્રેટ કરી દે છે. જેનાથી સ્કેલ્પ શુષ્ક થઈને ડેડ સ્કિન સેલ્સ વધવા લાગે છે.
વાળના રંગમાં ફેરફાર
હાઈ કેમિકલ્સના પ્રયોગથી સ્કેલ્પ જ નહીં પણ વાળ પણ ખરાબ થાય છે. તેના કારણે વાળ નબળાં અને પાતળા થવા લાગે છે. આ સિવાય જેલને કારણે વાળનો કલર પણ ચેન્જ થવા લાગે છે અથવા વાળ વહેલાં સફેદ થવાની સમસ્યા પણ થઈ શકે છે. તેનાથી સ્કિનનું પીએચ લેવલ અનબેલેન્સ થઈ જાય છે. જેના કારણે વાળની સમસ્યાઓ થવા લાગે છે.