ફાયદાકારક / શરદી, ખાંસી, કફ, ગળામાં દુખાવા સહિત કોરોનાથી બચાવશે આ 1 ઉપાય, રોજ કરશો તો મળશે ગજબ લાભ

સામગ્રી

2 ગ્રીન એલચી
2-3 દાણા કાળા મરી
2 નાના ટુકડા તજ
8-10 તુલસીના પાન
1 નાનો ટુકડો આદુ
1 નાની ચમચી મધ (બધી સામગ્રી અલગ-અલગ પીસી લો)

ઉકાળો બનાવવાની રીત

સૌથી પહેલાં 1 તપેલીમાં દોઢ ગ્લાસ પાણી લો અને પાણી સહેજ ગરમ થાય એટલે તેમાં કાળા મરી, એલચી, આદુ નાખો. પછી તેમાં તુલસીના પાન ધોઈને નાખો. જ્યારે પાણી ઉકળવા લાગે ત્યારે તેમાં મધ નાખીને અન્ય બધી જ સામગ્રી એડ કરી દો. 7-8 મિનિટ ધીમી આંચ પર થવા દો. પછી ગેસ બંધ કરી નવશેકુ રહે એટલે ગ્લાસમાં ગાળીને કાઢી લો. 

ફાયદા

• આ ઉકાળામાં રહેલી વસ્તુઓ આપણાં સ્વાસ્થ્ય માટે ખૂબ જ લાભકારી છે. આ વસ્તુઓ શિયાળામાં શરીરને ગરમાવો આપશે. 
• આ ઉકાળો રોજ એકવાર પીવાથી ઈમ્યૂનિટી વધશે. ઘરના નાના મોટા દરેક લોકો આ ઉકાળો પી શકે છે.
• અત્યારના કોરોનાકાળમાં આ ઉકાળો રોજ પી લેવાથી સંક્રમણનો ખતરો ઓછો થશે અને ઈમ્યૂનિટી વધશે. 
• શરદી, કફ, ખાંસી, ગળામાં દુખાવો, છાતીમાં કફ ભરાવાની સમસ્યાથી બચાવવા માટે પણ આ ઉકાળાનું સેવન બેસ્ટ છે. 
• શિયાળામાં આ ડ્રિંક રોજ પી લેવાથી બીમારી પાસે નહીં ફરકે.