અત્યારે જ્યાં સમગ્ર દુનિયામાં કોરોનાએ કહેર વર્તાવ્યો છે ત્યારે પોતાની ઈમ્યૂનિટી પર ધ્યાન આપવું ખૂબ જ જરૂરી છે. સ્વસ્થ રહેવા માટે સ્ટ્રોન્ગ ઈમ્યૂનિટી ખૂબ જ જરૂરી છે. જેથી તમે જલ્દી બીમાર ન પડો. હાલ દેશમાં ઝડપથી કોરોનાનો સંક્રમણ ફેલાઈ રહ્યો છે ત્યારે ઈમ્યૂનિટીને સ્ટ્રોન્ગ કરવાના ઉપાય કરવા ખૂબ જ જરૂરી છે.
કોરોનાના કહેર વચ્ચે ઈમ્યૂનિટીનું રાખો ધ્યાન
લોકડાઉનમાં પણ આ 1 ડ્રિંકથી વધારો તમારી ઈમ્યૂનિટી
સરળતાથી મળી રહેશે આ ડ્રિંક માટેની સામગ્રી
જો તમે તમારી ઈમ્યૂન સિસ્ટમને મજબૂત બનાવવા માંગો છો તો અહીં જણાવેલી ડ્રિંક રોજ રાતે પીવાનું શરૂ કરી દો. આ રોગો સામે લડવાની તાકાત વધારશે. હાલના લોકડાઉનના સમયમાં આ ડ્રિંક બનાવવાની સામગ્રી પણ તમને સરળતાથી મળી રહેશે. ચાલો જાણી લો કઈ રીતે આ ડ્રિંક તૈયાર કરવી.
આ સામગ્રી જોઈશે
આ મેજિકલ ઈમ્યૂનિટી બૂસ્ટર ડ્રિંક બનાવવા માટે તમારે 2 જ વસ્તુઓની જરૂર પડશે. એ છે એક કપ પાલક અને અડધો કપ પાણી.
આ રીતે બનાવો
આ ડ્રિંક બનાવવા માટે સૌથી પહેલાં પાણીને મીઠાવાળા નવશેકા પાણીથી બરાબર ધોઈ લો. પછી મિક્સર જારમાં પાલક લઈ તેમાં પાણી મિક્સ કરો અને તેનો જ્યૂસ તૈયાર કરી લો. બસ તૈયાર છે બેસ્ટ ઈમ્યૂનિટી બૂસ્ટર ડ્રિંક. તમે આમાં ટેસ્ટ માટે સહેજ સંચળ પણ મિક્સ કરી શકો છો. આ ડ્રિંક તમે તમારા બાળકો અને મોટાંઓને પણ આપી શકો છો. પરિવારના દરેક સભ્યએ આ ડ્રિંક રોજ પીવી.
ફાયદા
સાવ સરળતાથી બની જતી આ ડ્રિંકમાં પાલકનો ઉપયોગ કરવામાં આવ્યો છે. પાલકમાં ભરપૂર આયર્ન, મિનરલ્સ અને પોષક તત્વો રહેલાં છે. સાથે જ પાલક રોગ પ્રતિકારક શક્તિ વધારવામાં પણ મદદ કરે છે. જો તમે રોજ રાતે સૂતા પહેલાં અથવા તો સવારે ઉઠીને આ ડ્રિંક પીશો તો તમારી ઈમ્યૂનિટી તો વધશે જ સાથે, સંક્રમણ અને વાયરસ સામે પણ રક્ષણ મળશે.