દાહોદમાં ખાનગી હોસ્પિટલ કંપનીમાં ગત મોડી રાત્રે આગ લાગી હોવાનું સામે આવ્યું છે. આગ કયા કારણોસર લાગી તે જાણી શકાયુ નથી પરંતુ ઘટનાને લઇને ભાગદોડ મચી હતી . ધુમાડાના ગોટેગોટે ઉડતા જોવા મળ્યા હતા. અચાનક આવી ઘટના બનતા હોસ્પિટલ તંત્ર પણ દોડતુ થયુ હતું. જો કે સદનસીબે કોઇ જાનહાનિ થઇ હોવાનું સામે આવ્યુ નથી.
પેનલ બોર્ડમાં લાગી આગ
એક તરફ તો બીજી તરફ આગના બનાવો વધી રહ્યા છે ત્યારે દાહોદની ખાનગી હોસ્પિટલમાં આગ લાગતા અફરાતફરીનો માહોલ જોવા મળ્યો હતો. દર્પણ રોડ ઉપર આવેલી ખાનગી હોસ્પિટલમાં આગ લાગી હતી . હોસ્પિટલના પેનલ બોર્ડમાં અચાનક આગ ભભૂકી ઉઠતા લોકો દોડતા થઇ ગયા હતા. દર્દીઓને સારવાર અર્થે આ હોસ્પિટલમાં દાખલ કર્યા હતા તેમના પરિવારજનોનો જીવ તાળવે ચોંટી ગયો હતો. જો કે સમય સૂચકતા દાખવીને 2 દર્દીઓને હેમખેમ હોસ્પિટલની બહાર કાઢવામાં આવ્યા હતા.
ફાયર સેફ્ટીને કારણે દુર્ઘટના ટળી
હોસ્પિટલમાં ફાયર સેફ્ટીના અભાવને કારણે ઘણા નિર્દોષ વ્યક્તિઓએ જીવ ગુમાવવાનો વારો આવ્યો છે. તંત્ર દ્વારા પણ ફાયર સેફ્ટીને લઇને અવાર નવાર ચેકીંગ કરવામાં આવે છે પરંતુ હજી પણ એવી ઘણી હોસ્પિટલો છે જ્યાં ફાયર સેફ્ટીની સુવિધા નથી. ત્યારે દાહોદની ખાનગી હોસ્પિટલમાં આગની ઘટનામાં ફાયર સેફ્ટીને કારણે જ કોઇ જાનહાનિ થઇ નથી. ફાયર સેફ્ટીના સાધનો હોવાથી મોટી દુર્ઘટના ટળી હતી.