દાહોદ જીલ્લામાં પોલીસે નકલી ચલણી નોટો સાથે ત્રણ શખ્સોની ધરપકડ કરી છે. દાહોદ પોલીસને બાતમા મળતા ઈટાડી ગામ પાસે નાકાબંધી કરી હતી. તે દરમિયાન પોલીસે એક કારની તપાસ કરતા તેમાથી રૂપિયા 1 લાખ 74 હજાર 900ની નકલી નોટોને કબજે કરી હતી.
પકડાયેલ નકલી નોટો 2000 500 અને 200ના દરની હતી. તો નકલી નોટો સાથે ત્રણ શખ્સો અમદાવાદનું હોવાના પ્રાથમિક તપાસમાં જાણવા મળ્યું છે. તો પોલીસે આ અંગે વધુ માહિતી મેળવવા માટે આ શખ્સોની પૂછપરછ શરૂ કરી છે. તેમજ આ ઘટનામાં તપાસ આગળ વધારી છે.
આ ઘટના અંગે મળતી વિગત અનુસાર દાહોદ પોલીસ અધિક્ષક પ્રેમવીરને અંગત બાતમી મળતા SOG ની ટિમને માહિતી આપેલ કે દાહોદ જિલ્લાના સંજેલી તાલુકાના ઇટાડી ગામે એક ક્રિએટા ગ્રે કલરની ફોર વ્હીલર ગાડી માં MH 04 HX 7693 માં (1) જીગ્નેશકુમાર રમણલાલ પટેલ ઘાટલોડીયા અમદાવાદ (2) દેવેન્દ્ર તેજાભાઈ પરમાર સેક્ટર 13 ગાંધીનગર (3) જુબિનભાઈ રમેશભાઈ પટેલ ચાંદલોડિયા અમદાવાદ આ ત્રણેય આરોપીઓને ઝડપી લીધા હતા.