દુર્ઘટના / ગુજરાતમાં વધુ એક અકસ્માત: બે બાઈકો વચ્ચે ટક્કર થતા દુર્ઘટનામાં 3 પિતરાઈ ભાઈઓના મોત

Dahod Accident : રાજ્યમાં દિવસેને દિવસે માર્ગ અકસ્માતની ઘટનાઓમાં સતત વધારો થઈ રહ્યો છે. આ દરમિયાન આ ઘટનાઓમાં આજે વધુ એક દર્દનાક અકસ્માતમાં 3 લોકોના મોત થયા છે. વાસ્તવમાં દાહોદના તોયણી ગામ પાસે બે બાઈક વચ્ચે અકસ્માત સર્જાયો હતો. આ ગમખ્વાર અકસ્માતમાં એક વ્યક્તિનું ઘટનાસ્થળે જ્યારે અન્ય બે વ્યક્તિના સારવાર દરમિયાન મૃત્યુ થયા છે. આ સાથે 3 વ્યક્તિને ગંભીર ઈજા પહોંચતા તમામને તાત્કાલિક અસરથી સારવાર અર્થે ખસેડવામાં આવ્યા હતા.

દાહોદમાં દેવગઢ બારીયાના તોયણી ગામે અકસ્માતની ઘટના સામે આવી છે. તોયણી ગામના રંધિકપુર રોડ પર બે બાઇક વચ્ચે ગંભીર અકસ્માત સર્જાયો હતો. આ અકસ્માત એટલો બઢો ભયાનક હતો કે, એક શખ્સનું ઘટના સ્થળે જ કમકમાટીભર્યું મોત થયું હતું. આ સાથે અન્ય બે લોકો કે જે ગંભીર રીતે ઇજાગ્રસ્ત હતા તેઓનું પણ સારવાર દરમિયાન મોત થયું છે. આ તરફ અકસ્માતમાં અન્ય 3 લોકોને પણને ગંભીર ઈજા પહોંચતા વધુ સારવાર અર્થે વડોદરા ખસેડાયા છે.

વધુ વાંચો : માત્ર 48 કલાકમાં આપઘાતની 8 ઘટનાથી સુરતમાં હડકંપ, કારણો ચોંકાવનારા

વિગતો મુજબ અક્સ્માતમાં વડેલા ગામના ત્રણ પિતરાઈ ભાઈઓનું મોત થયું છે. આ તરફ ઘટનાની જાણ થતાં મૃતકના પરિવારજનો સહિત ગામમાં શોકનો માહોલ વ્યાપી ગયો છે. આ દર્દનાક અકસ્માતની જાણ થતાં જ સ્થાનિક પોલીસે પણ ઘટના સ્થળે પહોંચી આગળની કાર્યવાહી હાથ ધરી છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ