દાહોદ: બામરોલી ગામે કૂવામાં ટ્રેક્ટર ખાબક્યું 2 લોકોએ ગુમાવ્યા જીવ

દાહોદના બામરોલી ગામે આવેલા ખેતરના કૂવામાં એક ટ્રેક્ટર ખાબક્યું છે. ખેતરમાં ખેડાણ કરી રહ્યું હતું ત્યારે ટ્રેક્ટર કૂવામાં ખાબક્યું હતું. ડ્રાઈવરે સ્ટિયરીંગ પરથી કાબૂ ગુમાવતા આ ઘટના બની હતી. તો આ દુર્ઘટનામાં ડ્રાઇવર સહિત 2 લોકોના મોત થયા છે.

ઉલ્લેખનીય છે કે એક તરફ વરસાદની સીઝન જામી પડી છે ત્યારે રાજ્યના ખેડૂતોએ પણ ખેડાણ કરવાની શરૂઆત કરી દીધી છે. આજરોજ મળતા અહેવાલ મુજબ દાહોદ જિલ્લાના બામરોલી ગામે એક ખેતરમાં કામ કરી રહેલા ટ્રેક્ટર પર ડ્રાઇવરનો કાબૂ નહીં રહેલા ખેતરના એક કૂવામાં ખાબક્યું હતુ. આ ઘટનામાં 2 લોકોના ઘટના સ્થળે જ મોત થયા હતા. 

આ ઘટના અંગેની જાણકારી અન્ય ખેડૂતોને થતા તાત્કાલિક અસરથી તેઓ ઘટના સ્થળે પહોંચ્યા હતા અને રાહત કામગીરી શરૂ કરી દીધી હતી જો કે કૂવો ખાલી હોવાથી ટ્રેક્ટર સંપુર્ણપણે નુકસાન પામેલ.આ ઘટનામાં ડ્રાઇવર સહિત 2 લોકોના મોત થયા હતા.

સ્થાનિક તંત્રને આ ઘટનાની જાણકારી મળતા ઘટના સ્થળે આવી પહોંચ્યા હતા. બંન્ને લાશને પીએમ સારવાર અર્થે ખસેડવામાં આવેલ. આ ઘટનાની જાણ મરનારના સ્વજનોને થતા તેમના પર આભ ફાટી પડ્યું હતુ.જો કે આ અંગે પ્રાથમિક તપાસ હાથ ધરવામાં આવતા ડ્રાઇવરનો સ્ટીયરીંગ પરનો કાબૂ ગમાવવો જ સામે આવેલ.