દાહોદમાં કોંગ્રેસમાંથી વિદ્રોહ કરેલા જિલ્લાના 9 સભ્યો ભાજપમાં જોડાયા છે. સભ્યો સાથે અન્ય કાર્યકર્તાઓ પણ ભાજપમાં જોડાયા છે. ઉલ્લેખનીય છે કે કોંગ્રેસે બળવાખોર 9 સભ્યોને સસ્પેન્ડ કર્યા હતા. આ ઘટના અંગે મળતી જાણકારી અનુસાર તાજેતરમાં દાહોદ ખાતે યોજાયેલ જિલ્લા પંચાયતની ચૂંટણીમાં પ્રમુખ અને ઉપ્રમુખની ચૂંટણી યોજવામાં આવી હતી.
આ સમયે કોંગ્રેસના 9 સભ્યો ગેરહાજર રહેતા અનેક તર્ક-વિતર્ક સર્જાયા હતા. જો કે આ ચૂંટણીમાં કોંગ્રેસના 17 સભ્યોએ સભામાંથી વોકઆઉટ કરતા ભાજપે કોંગ્રેસના હાથમાંથી સત્તા આંચકી લીધી હતી.
કોંગ્રેસના હાથમાં રહેલી જીતની દોર ભાજપે આંચકી લેઇ બહુમતિ સાથે પોતાના પ્રમુખ-ઉપ્રમુખની વરણી કરી હતી. આ ઘટનાને પગલે સ્થાનિક કોંગ્રેસ દ્વારા 9 સભ્યોને તાત્કાલિક અસરથી સસ્પેન્ડ કરવામાં આવ્યા હતા. ત્યારે આજરોજ કોંગ્રેસમાંથી સસ્પેન્ડ કરવામાં આવેલ સભ્યોએ એકસાથે 9 લોકો ભાજપમાં જોડાઇ જતાં દાહોદના રાજકારણમાં ગરમાવો ફેલાઇ જવા પામ્યો હતો.
ઉલ્લેખનીય છે કે છેલ્લા કેટલાક સમયથી ગુજરાત કોંગ્રેસના સભ્યો ભાજપમાં જોડાઇ રહ્યા છે ત્યારે આગામી સમયમાં આવનારી ચૂંટણીમાં પણ અસરકર્તા સાબિત થઇ શકે છે.