કોઈ ચોરી કરે કે, કોઈના પર ચોરીની આશંકા હોઈ તો તેને કાયદાના હવાલે કરવા જોઈએ, ન કે, કાયદો હાથમાં લેવો જોઈએ. આવી જ એક ઘટના દાદરાનગર હવેલીમાં સામે આવી છે. જ્યાં એક વાયર બનાવતી હાઈલાઈન કંપનીના માલિકે ચોરીના આરોપમાં બે મહિલા કર્મચારીઓને ઢોરની જેમ માર માર્યો છે.
ઉલ્લેખનીય છે કે, માર પણ એટલી હદે માર્યો છે કે, બંને મહિલાકર્મીઓને હોસ્પિટલ ખસેડવી પડી છે. મળતી માહિતી પ્રમાણે, કંપનીના માલિકને આ બંને મહિલા કર્મચારી પર ચોરીની આશંકા હતી.
જેને લઈને તેણે ચોરીની કબૂલાત કરાવવા માટે બંને મહિલાઓને માર માર્યો હતો. મહિલાઓને સામુહિક દૂષ્કર્મની પણ ધમકી આપી હતી. જોકે આ ઘટના સામે આવ્યા બાદ પોલીસે કંપનીના માલિક અને મેનેજર સામે ફરિયાદ નોંધી બંનેની ધરપકડ કરી છે અને સમગ્ર મામલે તપાસ હાથ ધરી છે.
મેનેજર તથા માલિકની કરાઇ ધરપકડ
ઉલ્લેખનીય છે કે, કંપનીના માલિક દિક્ષીત જરીવાલા અને મેનેજર દીપેન્દ્ર રાયે બંને મહિલા સફાઇ કર્મચારી ઉપર શંકા દર્વાવતા પોલીસે તેઓની પૂછપરછ કરી હતી. પંરતુ પૂછપરછ દરમિયાન પોલીસને કોઇ કડી હાથ નહીં લાગતા બંને મહિલા કર્મચારીને ઘરે જવા દેવામાં આવી હતી.
જ્યારે સોમવારના રોજ કંપનીના માલિક દીક્ષીત અને મેનેજરે કામ ઉપર કેમ નથી આવ્યા કામ ઉપર ચાલો તેમ જણાવીને બંને મહિલાઓને કંપની ઉપર લઇ ગયા હતા. ત્યાં ઢોર માર મારીને ધમકી પણ આપી હતી.