ડભોઇ નગરપાલિકાના છ સભ્યો જે કોંગ્રેસના હતા તે ભાજપમાં જોડાયા છે. આગામી સમયમાં ભાજપ આ નગરપાલિકાને કબજે કરશે તેવું સ્પષ્ટ દેખાઇ રહ્યું છે. જેને લઇને કોંગ્રેસમાં ભડકો જોવા મળ્યો છે. મહત્વનું છે કે અગાઉ 10 જેટલા સભ્યો ભાજપમાં જોડાઇ ચૂક્યા છે. સિદ્ધાર્થ પટેલના ગઢમાં ગાબડું પડતું નજરે આવી રહ્યું છે.
સિદ્ધાર્થ પટેલના ગઢ એવા ડભોઈ નગરપાલિકા કોંગ્રેસમાં ગાબડૂં પડ્યું છે. કોંગ્રેસના વધુ 6 નગરપાલિકાના સભ્યો ભાજપમાં જોડાયા છે. શબ્દશરણ બ્રહ્મભટ્ટની હાજરીમાં ધારણ ભાજપનો ખેસ ધારણ કર્યો છે. અગાઉ પણ કોંગ્રેસના 10 સભ્યો ભાજપમાં જોડાઈ ચુક્યાં છે.
મહત્વનું છે કે લોકસભાની ચૂંટણી પહેલા પણ વડોદરામાં કોંગ્રેસને મોટો ફટકો પડ્યો હતો. ડભોઇ નગરપાલિકાના એક સાથે સાત કોર્પોરેટરોએ કોંગ્રેસનો હાથ છોડી ભાજપનો ખેસ ધારણ કર્યો હતો. મુખ્યમંત્રી વિજય રૂપાણીની ઉપસ્થિતિમાં કોંગ્રેસના તમામ બાગી કોર્પોરેટરોએ ભાજપનો ખેસ ધારણ કર્યો હતો. તો બીજી તરફ પાલિકામાં ચૂંટાઇને આવેલા ત્રણ અપક્ષ કોર્પોરેટરો પણ ભાજપમાં જોડાયા હતા.
સાથોસાથ કોંગ્રેસના દિગ્ગજ નેતા સિદ્ધાર્થ પટેલના ગઢમાં ગાબડું પડ્યું હતું. ડભોઇ નગરપાલિકામાં કોંગ્રેસના વધુ 6 સભ્યો ભાજપમાં જોડાતા ડભોઇના રાજકારણમાં ગરમાવો આવી જવા પામ્યો હતો.
શબ્દશરણની હાજરીમાં આ તમામ સભ્યો જોડાયા છે. ત્યારે ભાજપના નેતાએ જણાવ્યું કે પ્રથમ ચૂંટણી વખતે માત્ર ચાર સભ્યો હતા. આજે છ સભ્યો ભાજપમાં જોડાતા કુલ 20 સભ્યો થયા છે. જે આનંદની વાત છે. ત્યારે હવે આખી નગરપાલિકા આપણી સાથે છે તેવું સામે આવી ચૂક્યું છે. તમામ સમસ્યા દૂર કરાશે અને વિકાસના કાર્યો થશે.