મહિસાગરના કડાણાના અધિકારી અને કર્મચારીનો વાયરલ થયો છે. જેમાં મહિસાગરના કડાણાના નાયબ મામલતદાર અને કર્મચારી દારૂની મહેફિલ માણતા વીડિયોમાં દેખાઈ રહ્યા છે.
રાજસ્થાનમાં દારૂ પિધો હોવાનું રાકેશ પરમારે આપ્યું હતું નિવેદન
યોગ્ય તપાસ બાદ કાર્યવાહી કરવા DySPએ આપી ખાતરી
અવાર નવાર દારૂની મહેફિલ માણતા વીડિયો સોશિયલ મીડિયા પર વાયરલ થતા હોય છે. એવો જ એક વીડિયો મહિસાગરના કડાણાના અધિકારી અને કર્મચારીનો વાયરલ થયો છે. જેમાં મહિસાગરના કડાણાના નાયબ મામલતદાર અને કર્મચારી દારૂની મહેફિલ માણતા વીડિયોમાં દેખાઈ રહ્યા છે. મામલતદાર ઓફિસ બહાર જ દારૂ પીધો હોવાનું સામે આવ્યું છે. VTV દ્વારા રિયાલિટી ચેક કરતા મામતદાર ઓફિસ બહાર જ દારૂની ખાલી બોટલ પણ રિયાલિટી ચેકમાં જોવા મળી હતી. ત્યારે આજે સવારે નાયબ મામલતદારનો વીડિયો વાયરલ થવા પામતા સમગ્ર ઘટના અધિકારીઓમાં ચર્ચાનો વિષય બનવા પામી હતી.
વીડિયો સમગ્ર દિવસ અધિકારીઓમાં ચર્ચાનો વિષય
કડાણાના નાયબ મામલતદાર રાકેશ પરમારે વીડિયો સામે આવ્યા બાદ નિવેદન આપ્યું હતું કે નાયબ મામલતદારે દારૂ રાજસ્થાનમાં પીધો હોવાનું સ્વીકાર્યું હતું. ત્યારે કોઈએ 6 મહિના પહેલાનો રાજસ્થાનનો વીડિયો વાયરલ કર્યો હોવાનું કહી નાયબ મામલતદારે બચાવ કર્યો હતો. ત્યારે નાયબ મામલદારનો વીડિયો વાયરલ થતા વીડિયોની ચર્ચાએ સમગ્રે શહેરમાં ટોક ઓફ ધ ટાઉન બનવા પામી હતી.
યોગ્ય તપાસ બાદ કાર્યવાહિ કરવામાં આવશેઃDySP
મહિસાગના કડાણાના નાયબ મામતદારનો દારૂની મહેફિલ માણતો વીડિયો વાયરલ થવા પામ્યો છે. જે અહેવાલ મીડિયાના અહેવાલ બાદ મહિસાગર પોલીસ એક્શનમાં ગઈ છે. ત્યારે નાયબ પોલીસ અધિક્ષક દ્વારા તપાસના આદેશ આપવામાં આવ્યા છે. નાયબ પોલીસ અધિક્ષક દ્વારા તપાસની ચક્રગતિમાન કરી દેવામાં આવ્યા છે. તેમજ યોગ્ય તપાસ બાદ કાર્યવાહિ કરવાની ખાતરી આપી હતી.