શાપુરજી પલોન્જી ગ્રુપની કન્ઝ્યુમર ડ્યુરેબલ્સ ફ્લેગશિપ કંપની યુરેકા ફોર્બ્સ વેચાઈ રહી છે. આ વેક્યુમ ક્લીનર અને વોટર પ્યૂરિફાયર બનાવનારી દેશની સૌથી મોટી કંપનીઓમાં સમાવેશ થાય છે. સૂત્રો મુજબ, આ કંપનીને ખરીદવાની હોડમાં ખાનગી ઈક્વિટી ગ્રુપ એડવેન્ટ ઈન્ટરનેશનલ સૌથી અગ્રેસર છે.
શાપુરજી પલોન્જી ગ્રુપની કન્ઝ્યુમર ડ્યુરેબલ્સ ફ્લેગશિપ કંપની છે યુરેકા ફોર્બ્સ
આ કંપનીએ આશરે બે દાયકા પહેલાં ટાટા ગ્રુપ પાસેથી બિઝનેસ ખરીદ્યો હતો
યુરેકા ફોર્બ્સ નુકસાનના ઓથાર હેઠળ
માનવામાં આવી રહ્યું છે કે આ કરાર 4500-5000 કરોડ રૂપિયાનો હોઈ શકે છે. આગામી દિવસમાં આ અંગે ઔપચારિક જાહેરાત થઈ શકે છે. બંને પક્ષોએ વાતચીત માટે એક ખાસ ડીલ કરી છે. જો આ સમજૂતી આગળ વધે તો તેનાથી 154 વર્ષ જૂની એસપી ગ્રુપને પોતાનું દેવુ ઘટાડવા અને મુખ્ય વ્યવસાય પર ધ્યાન કેન્દ્રીત કરવામાં મદદ મળશે. એસપી ગ્રુપનો મુખ્ય વેપાર કન્સ્ટ્રક્શન અને રિયલ એસ્ટેટનો છે. સૂત્રો મુજબ, યૂરેકા ફોર્બ્સ નુકસાનમાં ચાલી રહી છે. જેને લિસ્ટેડ પેરેન્ટ કંપની ફોર્બ્સ એન્ડ કંપનીથી અલગ કરવામાં આવશે અને પછી એનસીએલટીની મંજૂરી મળ્યાં બાદ એડવેન્ટને વેચી મારવામાં આવશે. આ અંગે એડવેન્ટ અને એસપી ગ્રુપે ટિપ્પણી કરવાનો ઈનકાર કર્યો.
ટાટા ગ્રુપ પાસેથી ખરીદ્યો હતો બિઝનેસ
ફોર્બ્સ એન્ડ કંપનીની માર્કેટ કેપ 5309.72 કરોડ રૂપિયા છે. પલોન્જી પરિવારે આશરે બે દાયકા પહેલાં આ બિઝનેસ ટાટા ગ્રુપ પાસેથી ખરીદ્યો હતો. કંપનીએ તેને વેચવાની જવાબદારી 2019માં સ્ટાન્ડર્ડ ચાર્ટડ બેંકને આપી દીધી હતી અને તેઓ 5000-6000 કરોડ રૂપિયા માર્કેટ વેલ્યુએશનની આશા કરી રહ્યાં હતા. પરંતુ કોવિડ-19 મહામારીને કારણે આ પ્રક્રિયાને છોડવી પડી હતી. ચાલુ વર્ષની શરૂઆતમાં ગ્રુપે ફરીથી કંપનીના વેચાણની પ્રક્રિયા શરૂ કરી હતી.
સ્વીડનની કંપની ઈલેક્ટ્રોલક્સ પણ આ કંપનીને ખરીદવાની સ્પર્ધામાં
સુત્રો મુજબ, બારબર્ગ પિનકસ અને ઘરના સંસાધનો બનાવતી સ્વીડનની કંપની ઈલેક્ટ્રોલક્સ પણ યૂરેકા ફોર્બ્સને ખરીદવાની સ્પર્ધામાં હતી. પરંતુ અંતિમ તબક્કામાં એડવેન્ટે બાજી મારી લીધી. આ મામલે એડવેન્ટે નોમૂરાને પોતાની સલાહકાર બનાવી છે. 2015માં એડવેન્ટે સિંગાપુરની Temasek સાથે મળીને કોમ્પટન ગ્રીવ્સના કન્ઝ્યુમર બિઝનેસને આ પ્રકારની વિઘટન પ્રક્રિયામાં ખરીદી હતી. પછી તેણે જાહેર માર્કેટમાં કંપનીના શેરને હપ્તામાં વેચ્યો હતો. ચાલુ વર્ષે જૂનમાં તેને બ્લોક ટ્રેડ દ્વારા 5.36 ટકાનો છેલ્લો હપ્તો પણ આપ્યો. એડવેન્ટે ગયા મહિને ASK Wealth Managementમાં પોતાની નિયંત્રણની ભાગીદારી બ્લેકસ્ટોનને 1 અબજ ડોલરમાં વેચી હતી.