કચ્છમાં કરા પડવાને કારણે ખેડૂતોનો ઉભો મોલ બળીને ગયો છે. બરોબર લણણીને ટાણે વરસેલો વરસાદે ખેડુતોને રાતા પાણીએ રોવડાવ્યા છે. કચ્છમાં 3000 એકરમાં 20,000 જેટલા નાના મોટા ખેતરોમાં ઉગેલું ધાન્ય બરબાદ થઈ ગયુ છે. કચ્છમાં કમોસમી કરા વર્ષાએ ખેડૂતોના મોંનો કોળિયો છીનવી લીધો છે.
કચ્છમાં કમોસમી વરસાદથી મોટું નુકસાન
ખેડૂતોને આવ્યો રોવાનો વારો
મગફળીનો પાક નિષ્ફળ જતા નુકસાન
દક્ષિણ રાજસ્થાનમાં સર્જાયેલાં સાયક્લોનિક સરક્યુલેશનના કારણે કચ્છ સહિતના રાજ્યના વિવિધ વિસ્તારોમાં કમોસમી વરસાદ થયો હતો. સરક્યુલેશન સાથે અફઘાનિસ્તાન તરફ વેસ્ટર્ન ડિસ્ટર્બન્સ સર્જાતાં તેના લીધે કચ્છનું વાતાવરણ એકાએક પલટાયું હતું. ઠંડી હવા વાદળો સાથે ભળતાં વાદળોમાં રહેલું પાણી બરફના રૂપમાં ફેરવાઈને ઠેર ઠેર વરસયુ હોવાનું હવામાન વિભાગે જણાવ્યું.
કમોસમી કરાનો વરસાદે પાક કર્યો બરબાદ
કમોસમી કરાવર્ષાના કારણે ત્રણ હજાર એકરના 20 હજાર નાના-મોટા ખેતરોમાં લાંબા સમયથી ઉગી નીકળેલો ધાન્ય બરબાદ થઈ ગયુ છે.
કયા કયા પાકને થયુ નુકસાન
એરંડા, ગુવાર, મગફળી, જુવાર, બાજરી, કપાસ, મગ, મઠ, ઘાસચારા સહિતના પાક અને વાવેતરનો રીતસર સોથ વળી ગયો છે. જેના લીધે ખેડૂતોને મોટું નુકસાન સહન કરવાનો વારો આવ્યો છે.