Monday, June 24, 2019
સબસ્ક્રાઈબ કરો VTVGujarati ન્યુઝ Whatsapp

વાયુ / 'ખતરા'નું સિગ્નલ: ગુજરાતના તમામ બંદરો પર લગાવાયું 9 નંબરનું સિગ્નલ, જાણો તેનો અર્થ શું?

'ખતરા'નું સિગ્નલ: ગુજરાતના તમામ બંદરો પર લગાવાયું 9 નંબરનું સિગ્નલ, જાણો તેનો અર્થ શું?

વાવાઝોડાએ વેરાવળ અને દીવના બદલે હવે પોરબંદર અને દ્વારકા તરફ આગળ વધ્યું છે. જોકે દિશા બદલી છે પરંતુ તીવ્રતા વધી છે. આજરોજ સાંજે 5 કલાકે હવામાન વિભાગે આ ઘટના અંગેની જાણકારી આપી હતી. હવામાન વિભાગના જણાવ્યા મુજબ વાયુ વાવાઝોડું આવતીકાલે સવારે નહીં પણ બપોરે ત્રાટકે તેવી શક્યતા છે. ત્યારે ગુજરાતના તમામ સંવેદનશીલ બંદરો પર સ્થળો પર 9 નંબરનું સિગ્નલ  લગાડવામાં આવ્યું છે. 

રાજ્યના સંવેદનશીલ બંદર પર લાગ્યું સિગ્નલ નં-9

ઉલ્લેખનીય છે કે, વાયુ વાવાઝોડાની દહેશતને લઈને રાજ્યના તમામ દરિયાકાંઠાના જિલ્લામાં 9 નંબરનું સિગ્નલ લગાવવામાં આવ્યુ છે. આ પહેલા 3 નંબરનું સિગ્નલ લગાવવામાં આવ્યું હતુ. જેને ઉતારીને 9 નંબરનું સિગ્નલ લગાવવામાં આવ્યુ છે.

મળતી માહિતી મુજબ વાવાઝોડાની ભયાનકતા દર્શાવવા માટે 9 નંબરના સિગ્નલનો ઉપયોગ કરવામાં આવે છે. જ્યારે જ્યારે દરિયાનું પાણી કિનારાને ક્રોસ કરે છે. ત્યારે 9 નંબરનું સિગ્નલ લગાવાય છે. તેમજ ચક્રવાત જ્યારે બંદરની જમણી બાજુથી પસાર થાય ત્યારે 9 નંબરનું સિગ્નલ લાગે છે.

આપને જણાવી દઇએ કે, 120 પ્રતિ કિલોમીટરના વેગથી વધુ પવન ફુંકાય ત્યારે આ સિગ્નલ લાગે છે. મહત્વનું છે કે, હવામાન વિભાગ દ્વારા આવતી કાલે બપોરે પોરબંદર-વેરાવળ વચ્ચે વાવાઝોડું ત્રાટકવાની આગાહી કરવામાં આવી છે. આ વાયુ વાવાઝોડુ 150 થી 160 કીમી પ્રતિ કલાકની ઝડપે જમીન પર આવશે. 

બંદર ઉપર લગવામાં આવેલ સિગ્નલ શું સૂચવે છે

  • 1 નંબરનું સિગ્નલ વાવાઝોડાની ચેતવણી આપતું હોય છે.
  • 2 નંબરનું સિગ્નલ વાવાઝોડું સક્રિય થતાં માછીમારોને દરિયામાં વાવાઝોડાનો સામનો કરવો પડી શકે છે તે સૂચિત કરે છે
  • 3 નંબરનું સિગ્નલ સપાટીવાળી હવાને પગલે બંદર પર ભય દેખાડે છે.
  • 4 નંબરનું સિગ્નલ બંદર ભયમાં છે એવું પરંતુ સાવચેતીનાં પગલા લેવા પડે એટલો ભય જણાઇ રહ્યો નથી.
  • 5 નંબરનું સિગ્નલ સામાન્ય વાવાઝોડું દક્ષિણના કિનારા ઓળંગી બંદરમાં ભારે હવા ફૂંકાવાનો સંકેત આપે છે.
  • 6 નંબરનું સિગ્નલ સામાન્ય વાવાઝોડું ઉત્તરના કિનારા ઓળંગી બંદરમાં ભારે હવાના અનુભવનો સંકેત આપે છે.
  • 7 નંબરનું સિગ્નલ સામાન્ય વાવાઝોડું બંદર ઉપરથી પસાર થાય અને ભારે તોફાની પવન ચાલી શકે છે.
  • 8 નંબરનું સિગ્નલ ભારે વાવાઝોડું બંદરને ક્રોસ કરી શકે જેથી તોફાની હવાના સંકેતો આપે છે.
  • 9 નંબરનું સિગ્નલ જોરદાર વાવાઝોડું ઉત્તર દિશાથી કિનારો ક્રોસ કરીને બંદર ઉપર તોફાની હવાનો અનુભવ કરાવે ત્યારે લગાડવામાં આવે છે
  • 10-નંબરનું સિગ્નલ ભારે જોરવાળું વાવાઝોડું બંદરની ઉપર થઈને પસાર થવાની શક્યતા છે. આથી બંદરને ભારે તોફાની હવાનો અનુભવ થવાની શક્યતા છે
  • 11-નંબરનું સિગ્નલ ખુબ ખરાબ હવામાનનો અનુભવ, અત્યંત ભયજનક ગણાય.
     

કંટ્રોલરૂમ નંબરની યાદી.

ગાંધીનગર કંટ્રોલ રૂમ
079 23276943
07923276944

સૌરાષ્ટ્ર કંટ્રોલ રૂમ
0281 2239685
0281 2237500

હેલ્પ લાઇન નંબર:

ગીર સોમનાથ - 02876-285063/64 
વેરાવળ - 02876- 244299 
તલાળા - 02877- 222222
સૂત્રાપાડા - 02876-263371
કોડિનાર - 02895- 221244 
ઉના - 02875-222039 
ગીર ગઢડા - 02875-243100
દ્વારકા - 02833 - 232125
જામનગર - 0288 - 2553404
પોરબંદર - 0286 - 2220800
દાહોદ - 02673 - 239277
નવસારી - +91 - 2637 259 401
પંચમહાલ - +91 2672 242 536
છોટા ઉદેપુર - +91 2669 233 021
કચ્છ - 02832 - 250080
રાજકોટ - 0281 - 2471573
અરવલ્લી - +91 2774 250 221

cyclone warning port signals 9 Cyclone Vayu Weather update Cyclone in Gujarat Cyclone warning signals

જોવા જેવું વધુ જુઓ

બ્રેકિંગ ન્યૂઝ