IPLIN
 

વાવઝોડું / વાયુની અસર, પોરબંદરમાં ઉછળ્યા 15 ફુટ ઊંચા મોજા, VIDEO જોઇ રહી જશો દંગ

Team VTV 07:01 PM, 13 Jun 19 | Updated: 07:03 PM, 13 Jun 19
Follow us
Cyclone Vayu Updates porbandar Gujarat

વાયુ વાવાઝોડુ ભલે ગુજરાતના દરિયાકાંઠા વિસ્તારની નજીક થઈને આગળ વધી રહ્યું હોય. તેમ છતાં કેટલાક વિસ્તારોમાંથી પવનને કારણે નુકસાન થયાના સમાચાર સામે આવ્યા છે. આ ત્રણ તસ્વીરોને જુઓ, પોરબંદર, કચ્છમાં પરિસ્થિતિને ગંભીરતાને સમજી શકાય છે. 

ઉલ્લેખનીય છે કે, પોરબંદરના માધવપુરમાં વાયરલેસ ટાવર ધરાશાયી થયો છે. જાણકારી મળી છે કે અનેક ફરિયાદો બાદ પણ જૂના પોલીસ સ્ટેશનનો ટાવર નહીં ખસેડાતા છેવટે વાવાઝોડાએ તેને જમીનદોસ્ત કરી નાખ્યો. તો કચ્છના માંડવીમાં પણ તોફાની પવનનની અસર જોવા મળી. માંડવીથી મુન્દ્રા વચ્ચે દરિયા કિનારે આવેલી એક હોટેલના પતરા ઉડી ગયાં છે. 

પોરબંદરનો દરિયો ગાંડોતૂર બન્યો
વાયુ વાવાઝોડાની અસરને લઈને પોરબંદરનો દરિયો ગાંડોતૂર બન્યો છે. પોરબંદરના દરિયામાં 15 ફૂટથી ઊંચા મોઝા ઉછળી રહ્યા છે. જેને લઈને દરિયા કિનારાનો વિસ્તાર ખાલી કરવાનો કલેક્ટર દ્વારા આદેશ કરવામાં આવ્યો છે. વાવાઝોડાની અસર પોરબંદરના દરિયા કાંઠે પહોચી છે. પોરબંદરમાં ફૂંકાઈ તેજ પવન રહ્યો છે. જેને લઈને કલેક્ટર દ્વારા આસપાસના ગામો ખાલી કરવામાં આવ્યા છે.

વાયુ વાવાઝોડાની અસરથી પોરબંદરના રાણાવાવમાં ભારે પવન ફૂંકાયો હતો. ભારે પવનને કારણે કારણે મસમોટા પીપળાન વૃક્ષો ધરાશાયી થઈ ગયા હતાં. કરીમનગર સોસાયટીમાં પીપળાનુ જૂનુ ઝાડ ધ્વસ્ત થઈ ગયું હતું. તો એક મકાનની દીવાલ પણ ધરાશાયી થઈ હતી. 

કચ્છ પોલીસનું સતત પેટ્રોલિંગ
વાયુ વાવાઝોડાના પગલે લોકો દરિયાકિનારે ન આવે તે માટે કચ્છના પોલીસનુ સતત પેટ્રોલિંગ ચાલું છે. પશ્ચિમ કચ્છના એસપીએ જણાવ્યુ હતું કે યુવાનોએ દરિયાકિનારે ફોટો પડાવવા ન આવવું. તો પોલીસ પણ લોકોને દરિયા કિનારે ન આવવા સમજાવી રહી છે. 

વાવાઝોડાનું સંકટ આખરે ગુજરાત પરથી ટળ્યું
વાયુ વાવાઝોડાનું સંકટ આખરે ગુજરાત પરથી ટળ્યું છે. વાયુ વાવાઝોડાએ પોરબંદરથી 250 કિમી દૂર સમુદ્રમાં ટર્ન લીધો છે. અરબી સમુદ્રમાં વાયુ વાવાઝોડાએ એડનના અખાત બાજુ ટર્ન લીધો છે અને શનિવાર સુધી વાયુ વાવાઝોડું સમુદ્રમાં જ રહેશે.અને શનિવારે સાંજે તે સમુદ્રમાં જ વિખેરાઈ જશે. 

જ્યારે સૌરાષ્ટ્ર અને દક્ષિણ ગુજરાતમાં બે દિવસ સુધી વાવાઝોડાની અસર રહેશે. તો ગીર-સોમનાથ, પોરબંદર, દ્વારકા અને અમરેલીમાં 40થી 70 કિમીની ઝડપે પવન ફુંકાઈ શકે છે. જ્યારે ગીર, પોરબંદર અને દ્વારકામાં હળવાથી ભારે વરસાદની પણ સંભાવના છે. જ્યારે બે દિવસ સુધી ભારે પવન સાથે સૌરાષ્ટ્રમાં વરસાદ થવાની પણ શક્યતા છે.

કંટ્રોલરૂમ નંબરની યાદી.

ગાંધીનગર કંટ્રોલ રૂમ
079 23276943
07923276944

સૌરાષ્ટ્ર કંટ્રોલ રૂમ
0281 2239685
0281 2237500

હેલ્પ લાઇન નંબર:

ગીર સોમનાથ - 02876-285063/64 
વેરાવળ - 02876- 244299 
તલાળા - 02877- 222222
સૂત્રાપાડા - 02876-263371
કોડિનાર - 02895- 221244 
ઉના - 02875-222039 
ગીર ગઢડા - 02875-243100
દ્વારકા - 02833 - 232125
જામનગર - 0288 - 2553404
પોરબંદર - 0286 - 2220800
દાહોદ - 02673 - 239277
નવસારી - +91 - 2637 259 401
પંચમહાલ - +91 2672 242 536
છોટા ઉદેપુર - +91 2669 233 021
કચ્છ - 02832 - 250080
રાજકોટ - 0281 - 2471573
અરવલ્લી - +91 2774 250 221

Cyclone Vayu cyclone vayu latest news cyclone vayu live news Cyclone Vayu Updates porbandar gujarat
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ