વાયુની અસર / દક્ષિણ ગુજરાતમાં આજે પણ ધીમી ધારે વરસાદ યથાવત

સુરતમાં આજે પણ ધીમીધારે વરસાદની શરૂઆત થઈ છે. શહેરમાં વહેલી સવારથી વરસાદ પડી રહ્યો છે. શહેરના નાનપુરા, રાંદેર, અડાજણ વિસ્તારમાં વરસાદ આવતા શહેરીનજનોમાં ખુશીનો માહોલ જોવા મળ્યો હતો. તો ભરૂચમાં વરસાદી માહોલ જામ્યો છે. વહેલી સવારથી ભારે પવન સાથે ભરૂચમાં વરસાદી શરૂ થઇ ગયો છે. ત્યારે વરસાદ પડતા વાતાવરણમાં ઠંડક પ્રસરી છે અને લોકોને ગરમીમાંથી રાહત મળી છે.

ક્યાંક ધીમીધારે તો ક્યાંક ધોધમારે વરસેલા વરસાદે રાજ્યમાં ચોમાસાનો જાણે માહોલ ઊભો કરી દીધો છે. જો કે વાયુના તોફાનના કારણે સમય કરતાં વહેલા આવેલા વરસાદે ખેડૂતોના આયોજનો પર પાણી ફેરવી દીધું છે. ત્યારે મોસમના પહેલા વરસાદે વિવિધ રંગોના દર્શન કરાવ્યા છે.