રાજ્ય પર આવતી cyclone vayu ની આફત એકદમ ટળી ગઇ છે. જ્યારે તેની અસરને લઇને રાજ્યના મોટાભાગના વિસ્તારોમાં મેધ પધરામણી થઇ ગઇ છે. ત્યારે આજે અમદાવાદ, રાજકોટ, સુરત, ભરુચ અને બોટાદમાં વરસાદ પડ્યો છે.
અમદાવાદ:
અમદાવાદના આજે સતત બીજા દિવસે વરસાદ કેટલાક વિસ્તારોમાં ધોધમાર વરસાદનું આગમન થયું છે. શહેરના અમરાઇ વાડી, એસ.જી રોડ વસ્ત્રાપુર, શીવરંજની. જીવરાજ પાર્ક, વાસણા, ઇસ્કોન, સેટેલાઇટ, નેહરુનગર, થલતેજ અને બોપલ સહિત કેટલાક વિસ્તામાંમાં વરસાદનું આગમન થયું છે.
રાજકોટ:
રાજકોટમાં ધીમીધારે વરસાદ શરૂ થઇ ગયો છે. હળવા પવન સાથે રાજકોટમાં વરસાદ વરસી રહ્યો છે. ત્યારે વરસાદ પડતા વાતાવરણમાં ઠંડક પ્રસરી છે. અને લોકોને ગરમીમાંથી રાહત મળી છે.
સુરત:
સુરતમાં આજે પણ ધીમીધારે વરસાદની શરૂઆત થઈ છે. શહેરમાં વહેલી સવારથી વરસાદ પડી રહ્યો છે. શહેરના નાનપુરા, રાંદેર, અડાજણ વિસ્તારમાં વરસાદ આવતા શહેરીનજનોમાં ખુશીનો માહોલ જોવા મળ્યો હતો.
ભરૂચ:
ભરૂચમાં આજે પણ વરસાદી માહોલ જામ્યો છે. વહેલી સવારથી ભારે પવન સાથે ભરૂચમાં વરસાદી શરૂ થઇ ગયો છે. ત્યારે વરસાદ પડતા વાતાવરણમાં ઠંડક પ્રસરી છે અને લોકોને ગરમીમાંથી રાહત મળી છે.
બોટાદ:
બોટાદમાં સતત ત્રણ દિવસથી ધીમી ધારે વરસાદ વરસી રહ્યો છે. ગઢડામાં ગુરૂવારથી વરસાદ પડી રહ્યો છે. જિલ્લામાં વરસાદ આવતા લોકોને ગરમીથી રાહત મળી છે. વરસાદ પડતાની સાથે લોકોને ગરમીથી રાહત મળી છે. તો બીજી બાજુ વરસાદ પડતા ખેડૂતોમાં ખુશીની લહેર જોવા મળી રહી છે.
ક્યાંક ધીમીધારે તો ક્યાંક ધોધમારે વરસેલા વરસાદે રાજ્યમાં ચોમાસાનો જાણે માહોલ ઊભો કરી દીધો છે. જો કે વાયુના તોફાનના કારણે સમય કરતાં વહેલા આવેલા વરસાદે ખેડૂતોના આયોજનો પર પાણી ફેરવી દીધું છે. ત્યારે મોસમના પહેલા વરસાદે વિવિધ રંગોના દર્શન કરાવ્યા છે.