ચક્રવાત / અમદાવાદમાં તૌકતે વાવાઝોડાના આગમન પહેલા જુઓ ઠેર-ઠેર કેવી સર્જાઈ સ્થિતિ

• તૌકતે વાવાઝોડાના સૌથી ઝડપી સમાચાર
• સાંજે 6-00 વાગ્યે વાવાઝોડું અમદાવાદથી પસાર થશે 
• અમદાવાદના ગ્રામીણ વિસ્તારમાં સાંજે વાવાઝોડું આવશે

તૌકતે વાવાઝોડું સાંજે 6-00 વાગ્યે અમદાવાદથી પસાર થશે. તેની પહેલા જ તૌકતેવાવાઝોડાની અસર અમદાવાદમાં શરૂ થઈ ગઈ છે. અમદાવાદના ગ્રામીણ વિસ્તારમાં સાંજે વાવાઝોડું ત્રાટકશે. નળસરોવર, સાણંદ, વીરમગામથી વાવાઝોડું પસાર થશે. ગ્રામીણ અમદાવાદમાં 80થી 90 કિમી પ્રતિ કલાક હશે. અમદવાદ શહેરની આસપાસ 50થી 70 કિમીની ઝડપે પવન ફુંકાશે. અમદાવાદમાં પશ્વિમ વિસ્તારમાં સૌથી વધારે પવન ફુંકાશે. અમદાવાદના પૂર્વ વિસ્તારમાં ઓછો પવન ફુંકાશે. સરખેજ, બોપલ, શીલજ, ઘૂમામાં હળવાથી ભારે પવન ફુંકાશે. સરખેજ, બોપલ, શેલામાં 40થી 60 કિમી પ્રતિ કલાકથી પવન ફુંકાઈ શકે છે.  

અમદાવાદીઓ ઘરમાં જ રહેજો : આ બાઇક-રિક્ષાની હાલત જોઈને બહાર નીકળવાની હિંમત નહીં થાય #Ahmedabad #Gujarat #VTVTauktaeUpdate #Tauktecyclone #Tauktae pic.twitter.com/guSZD0y2vr

— VTV Gujarati News and Beyond (@VtvGujarati) May 18, 2021

અમદાવાદના SG હાઇ-વે પર 40થી50 કિમી પ્રતિ કલાક પવન ફુંકાઈ શકે છે. વેજલપુર, સેટેલાઇટ, બોડકદેવમાં પણ 50થી 60ની સ્પીડમાં પવન ફુંકાશે. તો SP રિંગ રોડ પર પણ ભારે પવન ફુંકાવાની સંભાવના છે.  આ તરફ રાણીપ, ગોતા, ઘાટલોડિયામાં પણ ભારે પવન ફુંકાવાની શક્યતા છે. શહેરના બીજા ભાગમાં 30થી 40 કિમી પ્રતિ કલાક પવન ફુંકાવવાની શક્યતા છે. સાંજે અમદાવાદમાં હળવાથી ભારે વરસાદની આગાહી છે. જો કે, આજ સવારથી વરસાદ અને પવન ચાલુ જ છે. 

2014થી અત્યાર સુધીના વાવાઝોડાની યાદી

• 13 જૂન 2014 -નનૌક -સૌરાષ્ટ્ર-ગુજરાત
• 29 ઓકટોબર 2014 — નિલોફર — કચ્છ-સૌરાષ્ટ્ર
• 10 જૂન 2015 — અશોબા — સૌરાષ્ટ્ર-ગુજરાત
• 31 ઓકટોબર 2015 — ચપાલા — સૌરાષ્ટ્ર
• 04 ડિસેમ્બર 2017 — ઓખી — ગુજરાત
• 17 મે 2018 — સાગર — સૌરાષ્ટ્ર
• 13 જૂન 2019 — વાયું — કચ્છ-સૌરાષ્ટ્ર
• 29-30 ઓકટોબર 2019 — ક્યાર — ગુજરાત
• 17-18 મે 2021 — તાઉતે — સૌરાષ્ટ્ર