આગાહી / વધુ એક વાવાઝોડું દેશના દરિયાકિનારે વધી રહ્યું છે આગળ, બુલબુલથી પણ ભયંકર અસરની સંભાવના

• Cyclone Nakdi મચાવી શકે છે ભયંકર તબાહી
• બંગાળની ખાડી દ્વારા પશ્ચિમ બંગાળમાં કરી શકે છે દસ્તક

હવામાન વિભાગની આગાહી મુજબ ચક્રવાતી તોફાન નાકડી ઝડપથી ભારતની તરફ આગળ વધી રહ્યું છે. જેની અસર દેશના પશ્ચિમ બંગાળમાં જોવા મળશે. 

બુલબુલથી પણ ભયંકર હશે નાકડી વાવાઝોડુ

એક મળતાં અહેવાલ મુજબ નાકડી વાવાઝોડુ બુલબુલ કરતા પણ ભયંકર અને શક્તિશાળી હશે. આ ચક્રવાતી તોફાન દક્ષિણ ચીનના સાગરમાં ઉદ્દભવી રહ્યું છે. 

આવી રીતે પહોંચશે બંગાળની ખાડીમાં

હાલમાં આ નાકડી વાવાઝોડુ ધીરે-ધીરે વિયેતનામની તરફ આગળ વધી રહ્યું છે જ્યાં ભારે વરસાદ બાદ મ્યાનમારના દક્ષિણી ભાગમાં પહોંચશે અને ત્યાર બાદ એક આગાહી મુજબ આ નાકડી વાવાઝોડુ બંગાળની ખાડીમાં પહોંચશે.

એવુ માનવામાં આવી રહ્યું છે કે બંગાળની ખાડીમાં પહોંચ્યા બાદ નાકડી વાવાઝોડુ બંગાળના રસ્તે દેશમાં પ્રવેશ કરશે અને તેને લઇને ભારે તબાહી સર્જાય શકે તેવી શક્યતા છે. 

પશ્ચિમ બંગાળમાં તેનો કહેર દેખાય તેવી શક્યતા છે જ્યારે તેની સાથે-સાથે આંધ્ર પ્રદેશ અને ઓડિશામાં પણ તેની અસર જોવા મળી શકે છે.