વાવાઝોડું / 'મૈંડુસ' ચક્રવાતે આંધ્રપ્રદેશ-તમિલનાડુમાં મચાવી ભારે તબાહી: સામે આવ્યા ચોંકાવનારા દ્રશ્યો, જુઓ VIDEOS

• બંગાળની ખાડી પર બન્યું ચક્રવાતી તોફાન મૈંડુસ
• મૈંડુસ' ચક્રવાતે આંધ્રપ્રદેશ-તમિલનાડુમાં મચાવી ભારે તબાહી
• ચક્રવાત મૈંડુસને કારણે આંધ્રપ્રદેશ, તમિલનાડુ અને પુડુચેરીમાં ભારે વરસાદ 

બંગાળની ખાડી પર બનેલા ચક્રવાતી તોફાન મૈંડુસ હવે દક્ષિણના રાજ્યોમાં તેની અસર બતાવવાનું શરૂ કરી દીધું છે. ચક્રવાત મૈંડુસને કારણે આંધ્રપ્રદેશ, તમિલનાડુ અને પુડુચેરી રાજ્યોમાં ભારે વરસાદ થઈ રહ્યો છે. હવામાન વિભાગે મૈંડુસ ચક્રવાતને લઈને પહેલેથી જ ચેતવણી જારી કરી દીધી હતી.

હવામાન વિભાગના જણાવ્યા અનુસાર 11 ડિસેમ્બર સુધી પુડુચેરી, ઉત્તર તમિલનાડુ અને આંધ્રપ્રદેશના દરિયાકિનારા પ્રભાવિત રહેશે. આ દરમિયાન માછીમારોને દરિયામાં જતા અટકાવવામાં આવ્યા છે. ભારે પવન સાથે ભારે વરસાદને કારણે અનેક વિસ્તારોમાં જનજીવનને માઠી અસર પહોંચી છે. વાવાઝોડાથી પ્રભાવિત રાજ્યોની શાળાઓ અને કોલેજોમાં રજા જાહેર કરવામાં આવી છે.

#CycloneMandous aftermath | A wall collapsed in T Nagar area of Chennai and caused serious damage to three cars that were parked near it. Nobody was present in the cars at the time of the incident.#TamilNadu pic.twitter.com/oxoeAhcHlJ

— ANI (@ANI) December 10, 2022

શાળા-કોલેજોમાં રજા જાહેર 

મૈંડુસ ચક્રવાત શુક્રવારે રાત્રે તમિલનાડુના દરિયાકાંઠાના વિસ્તારોમાં ત્રાટક્યું હતું. વાવાઝોડાને કારણે ચેન્નાઈમાં ભારે વરસાદ થયો હતો, જેના કારણે લોકોને ભારે મુશ્કેલીનો સામનો કરવો પડી રહ્યો છે. ચેન્નાઈમાં શાળા અને કોલેજો પણ બંધ કરી દેવામાં આવી છે. હવામાન વિભાગ દ્વારા જારી કરવામાં આવેલી ચેતવણી અનુસાર મૈંડુસ ચક્રવાત શનિવાર (10 ડિસેમ્બર)ના રોજ પ્રચંડ સ્વરૂપમાં જોવા મળશે, જોકે તે પછી તે પણ નબળું પડશે.

#WATCH | A large tree got uprooted in Egmore area of Chennai due to strong winds caused by #CycloneMandous, causing extensive damage to the adjacent fuel station. #TamilNadu pic.twitter.com/TSAFYJfAZD

— ANI (@ANI) December 10, 2022

મૈંડુસ ચક્રવાતથી પ્રભાવિત રાજ્યોમાં NDRF અને SDRFની ટીમો પણ એલર્ટ મોડ પર છે. NDRFના મહાનિર્દેશક અતુલ કરવલે કહ્યું કે, અમારી ટીમ દરેક પરિસ્થિતિનો સામનો કરવા માટે તૈયાર છે. જ્યારે પણ અમને મદદ માટે બોલાવવામાં આવશે, અમે તાત્કાલિક સ્થળ પર પહોંચી જઈશું. આ ઉપરાંત જિલ્લા ડિઝાસ્ટર રિસ્પોન્સ ફોર્સની 12 ટીમો તૈયાર રાખવામાં આવી છે. હવામાન વિભાગના જણાવ્યા અનુસાર શનિવાર (10 ડિસેમ્બર) થી જોરદાર પવનની ગતિ ઘટીને 50-60 કિમી પ્રતિ કલાક થઈ જશે. તે રાત્રિ સુધીમાં 40-50ની ઝડપે પહોંચી જશે.

#WATCH | Roads waterlogged in MMDA Colony of Arumbakkam in Tamil Nadu due to heavy rain
#CycloneMandous pic.twitter.com/nW5OuJiFBU

— ANI (@ANI) December 10, 2022