ચેન્નઇ / ભારે ખાનાખરાબી બાદ નબળું પડ્યું ચક્રવાતી તોફાન મૈંડુસ, 4 લોકોના મોત, 400થી વધુ ઝાડનો ખુરદો

• ચેન્નઇમાં વાવાઝોડાં મેન્ડસે મચાવી તબાહી
• 4 લોકોનાં મોત, 400 ઝાડો મૂળથી થયા અલગ
• CM સ્ટાલિને આપી સમગ્ર માહિતી 

તમિલનાડુ: ચેન્નઇમાં આગાહી બાદ મેન્ડીસ વાવાઝોડાએ હલ્લો બોલ્યો હતો. આ ભયાનક વાવાઝોડાને લીધે ચેન્નઇનાં મામલ્લપુરમ તટની આસપાસનાં શહેરી વિસ્તારોમાં જાનમાલની તબાહી સર્જી છે. આ વાવાઝોડાને લીધએ લોકોને ઘણી હેરાનગતિનો સામનો કરવો પડ્યો છે.

CMએ આપી માહિતી 
CMએ જણાવ્યું કે તૂફાનને લીધે 4 લોકોનું મોત થયું છે. મરીના બીચની પાસે પણ જળનો ભરાવો દેખાઇ રહ્યો છે અને ખાણી-પીણીનાં સ્ટોલમાં પણ નુક્સાન પહોંચ્યું છે. સ્ટાલિને કહ્યું કે સરકારે સ્થિતિનું અનુમાન લગાડી લીધેલ છે અને તમામ જરૂરી ઉપાય કરવામાં આવી રહ્યાં છે જેથી વધુ મોટાં નુક્સાનને રોકી શકાય. સ્ટાલિને કહ્યું કે ઉન્નત યોજનાની સાથે આ સરકારે સાબિત કરી દીધેલ છે કે કોઇ પણ આપત્તિનું સંચાલન કરી શકાય છે.

#CycloneMandous | A large tree got uprooted in Egmore area of Chennai due to strong winds. pic.twitter.com/D7xZLQUMDB

— ANI (@ANI) December 10, 2022

હવે નબળું પડ્યું વાવાઝોડું
ઝડપભેર હવા ચાલવાને લીધે આશરે 400 જેટલા ઝાડ પડી ગયાં છે. કેટલાક ઝાડ તો વિજળીનાં થાંભલા પર પડી જવાથી વીજ સપ્લાય પર પણ અસર પડી છે. વાવાઝોડાને કારણે વીજ થાંભલા અને ટ્રાન્સફોર્મરોને નુક્સાન પહોંચ્યું છે અને 600 જગ્યાઓ પર વિજળી બંધ કરી દેવાઇ છે. સરકાર અનુસાર સફાઇ કામ ઝડપથી ચાલી રહ્યું છએ અને લગભર 25000 લોકોને આ માટે કામ પર લગાવવામાં આવ્યાં છે. 

My heart goes to all the Sanitation workers who are doing a tremendous job day and night amidst the rain.@chennaicorp #CycloneMandous #ChennaiRain pic.twitter.com/dflYCmcVxq

— Gokul Subramaniam (@GokulSubrmaniam) December 10, 2022

કેન્દ્ર પાસે મદદ માંગી શકે છે સરકાર
મુખ્યમંત્રી સ્ટાલિને કહ્યું કે નુક્સાનનું આંકલન કરવામાં આવી રહ્યું છે અને જરૂરત પડશે તો કેન્દ્ર પાસે મદદ માંગવામાં આવશે. આ પહેલાં રાજ્યનાં રાજસ્વ અને આપત્તિ પ્રબંધન મંત્રી રામચંદ્રને કહ્યું કે 205 રાહત કેન્દ્રોમાં 9000થી વધુ લોકોને રાખવામાં આવ્યું છે. શુક્રવાર સવાર 6 વાગ્યાંથી આજે સવારે 6 વાગ્યાની વચ્ચે 30 ઘરેલુ અને આંતરરાષ્ટ્રીય ફ્લાઇટ્સનું સંચાલન પ્રભાવિત થયું છે જેના કારણે તેને રદ કરી દેવાઇ છે.