'મહા' અસર / નવસારીમાં 25 ઘરના છાપરા ઉડ્યા, દરિયા કિનારા લોકોનું સ્થળાંતર, તંત્ર હજુ અજાણ

• બોરસી માછીવાડ ગામે 25 ઘરોના પતરા ઉડ્યા
• દરિયા કિનારે રહેતા લોકોનુ કરાયું સ્થળાંતર 
• માછલી સુકવના બનાવેલા મંડપમાં પાણી ફરી વળ્યા 

બોરસી માછીવાડ ગામે 25 ઘરોના પતરા ઉડ્યા છે અને દરિયા કિનારે રહેતા લોકોનુ સ્થળાંતર કરવું પડી રહ્યુ છે. તંત્રએ આ અંગે હજુ સુધી કોઈ પગલા લીધા નથી. ખેડૂતો બાદ માછીમારોને હવે નુકસાની સહન કરવી પડી રહી છે તેમની સુકવણી કરેલી માછલીઓ પલળી ગઈ છે અને નુકસાની થઈ રહી છે. 

તંત્ર નિંદ્રામાં રહેતા માછીમારો બન્યા નિરાધાર
સ્વખર્ચે શેડ ઉભા કરીને માછીમારો દરિયાથી દુર રહેવા મજબુર બન્યા છે. માછલી સુકવના બનાવેલા મંડપમાં પાણી ફરી વળ્યા છે. પાણી ફરી વળતા સૂકી માછલીઓને પણ નુકસાન પહોંચ્યુ છે. વહીવટીતંત્ર નુકસાની તેમજ સ્થળાંતરથી અજાણ રહી ગયુ છે.