'મહા' અસર / ચક્રવાત 'મહા'નો કહેર, દરિયો ગાંડોતૂર, જાણો ગુજરાતમાં ક્યા કેટલી અસર!

• વાવાઝોડાથી સમગ્ર રાજ્યમાં ભારે વરસાદ  
• ઉનામાં બોટની જળસમાધી
• નવસારીમાં છાપરા ઉડ્યા

દક્ષિણ ગુજરાત અને સૌરાષ્ટ્રના જિલ્લાઓને સાવધ કરવામાં આવ્યા છે. રાહત કમિશનરે તમામ જિલ્લા અધિકારીઓને તાકીદ કરી છે. વાવાઝોડા અગાઉ રાહત બચાવની તૈયારી કરવા પણ સૂચના કરી છે. જિલ્લા કક્ષાએ અધિકારીઓ સાથે બેઠક કરવા આદેશ અપાયા છે. 6 થી 8 નવેમ્બર બે દિવસ વાવાઝોડાની અસર જોવા મળશે. દરિયાકિનારા પર 60-70 કિમી ઝડપે પવન ફૂંકાવાની શક્યતા છે.

જિલ્લા કલેક્ટરોને રાહત કમિશનર કે.ડી કાપડિયાએ પત્ર લખીને તમામ જિલ્લા તંત્રને સાવધ રહેવા આદેશ આપ્યા છે. વળી ગુજરાતના તમામ દરિયાકિનારા પર અલર્ટ જાહેર કરાયું 

ઉનામા દરિયા કિનારે બોટ ડુબી
મહા વાવાઝોડાને લીધે ઉનાના દરિયા કિનારે એક બોટ ડુબી હતી જેમાં 8 ખલાસીઓનો આબાદ બચાવ કરી લેવાયો હતો. સૈયદ રાજપરા ગામ પાસે દરિયા કિનારે બોટે જળસમાધિ લીધી હતી. 
 

સુરેન્દ્રનગર
સુરેન્દ્રનગરમાં મહા વાવાઝોડાની અસર જોવા મળી છે. લીંબડી તાલુકાના વાતાવરણમાં પલટો આવ્યો છે. લીંબડી અને આસપાસના વિસ્તારોમાં કમોસમી વરસાદ પડ્યો છે. જેના કારણે ઉભા પાકને નુકસાન થયું છે. ખેડૂતોમાં કમોસમી વરસાદથી ચિંતા જોવા મળી રહી છે.

આણંદ
આણંદ જિલ્લાના વાતાવરણમાં પલટો આવ્યો છે. ચરોતરમાં વાદળછાયું વાતાવરણ જોવા મળી રહ્યું છે. જેના કારણે ખેડૂતો પણ ચિંતિત બન્યા છે. આણંદમાં અનેક સ્થળો પર ઝરમર વરસાદ શરૂ થઇ ગયો છે.

તાપી
તાપી જિલ્લાના વ્યારમાં આજે વહેલી સવારથી કમોસમી વરસાદ વરસી રહ્યો છે.વ્યાર આસપાસના વિસ્તારોમાં વેહલી સવારથી ઝરમર વરસાદ પડતા ખેડૂતોની ચિંતામાં વધારો થયો છે.ત્યારે કમોસમી વરસાદને કારણે પાક નિષ્ફળ જાય તેવી સ્થિતી ઉભી થઈ છે.જેન લઈને ખેડૂતોની ચંતામાં વધારો થયો છે.

ભાવનગર
ભાવનગરમાં પણ મહા વાવાઝોડાની અસર જોવા મળી રહી છે.. વાવાઝોડાના કારણે જિલ્લામાં કમોસમી વરસાદ વરસી રહ્યો છે. વરસાદ થતા પાકને નુકસાન થયું છે..જિલ્લામાં વરસાદ થતા માર્કેટ યાર્ડમાં રાખવામાં આવેલો માલ પલળ્યો છે. ભાવનગરના સિહોર તાલુકમાં આજે વહેલી સવારથી કમોસમી વરસાદ પડી રહ્યો છે.વરલ ગામે આજે વહેલી સવારથી ધોધમાર વરસાદ પડતા ખેડૂતોની ચિતામાં વધારો છે.કમોસમી વરસાદને કારણે કપાસ,મગફળી,જુવર,મકાઈ સહિતના પાકોને ભારે નુકસાન થયુ છે.

બોટાદ
બોટાદમાં આજે મહા વાવાઝોડાની અસર જોવા મળી છે..આજે વહેલી સવારથી બોટાદ,બરવાળા અને રાણપુર પથકમાં કમોસમી વરસાદ પડતા ખેડૂતોની ચિંતામાં વધારો થયો છે.કમોસમી વરસાદના કારણે  કપાસ,મગફળી,જુવાર,બાજરી સહિતના પાકો નિષ્ફળ જાય તેવી ભીતિ સર્જાઈ છે

ભરૂચ
ભરૂચના વાતાવરણમાં પલટો આવ્યો છે.આજે વહેલી સવારથી ધીમીધારે વરસાદની શરૂઆત થઈ છે.કમોસમી વરસાદથી ખેડૂતો ચિંતામાં મુકાયા છે.વરસાદી માહોલથી લોકોના રોજિંદા કાર્ય પર અસર જોવા મળી છે

નવસારી

નવસારીમાં મહા વાવાઝોડાની અસર જોવા મળી રહી છે. વહેલી સવારથી દરિયા કિનારે પવન ફૂંકાઈ રહ્યા છે. બોરસી માછીવાડ ગામમાં ભારે પવનના કારણે 25 ઘરોના પતરા ઉડ્યા હતા.દરિયા કિનારે રહેતા લોકોનું સ્થળાંતર કરાયું છે. સ્વખર્ચે શેડ ઉભા કરીને માછીમારો દરિયાથી દૂર રહેવા માટે મજબુર થયા છે. માછલી સુકવવા માટે બનેલા મંડપમાં પાણી ફરી વળતા માછીમારોને નુકસાન થયું છે.

સુરત
સુરતમાં કમોસમી વરસાદને કારણે ભારે નુકસાન થયુ છે.ઓલપાડ વિસ્તારમાં આવેલા ડાંગર અને કપાસના પાકને ભારે નુકસાન થતા ખેડૂતોની ચિંતામાં વધારો થયો છે..40 હજાર હેક્ટર કપાસ અને ડાંગરનો પાક નિષ્ફળ ગયો છે..તૈયાર થયેલા પોક નિષ્ફળ થતા ખેડૂતોનો રોવાનો વારો આવ્યો છે

જૂનાગઢ
જૂનાગઢમાં મહા વાવાઝોડાની અસર જોવા મળી છે.અચાનક વાતાવરમાં પલ્ટો આવતા સમગ્ર શહેરમાં વાદળછાયુ વાતાવરણ વચ્ચે ભારે પવન ફૂંકાવાનું શરૂ થયુ છે.ત્યારે માંગરોળ બંદર પર બે નંબરનું  સિગ્નલ આપી દેવામાં આવ્યું છે.અને તમામ બોટો માંગરોળ બંદર પર પરંત બોલાવી દેવમાં આવી છે.અને માછીમારોને દરિયો ન ખેડવા તંત્ર દ્વારા સુચના આપી દેવમાં આવી છે

વલસાડ
મહા વાવાઝોડાની વલસાડ જિલ્લામાં અસર જોવા મળી રહી છે.. વાવાઝોડાના કારણે જિલ્લાના વાપી, પારડી, ધરમપુર અને કપરાડા વિસ્તારમાં ધોધમાર વરસાદ વરસ્યો છે.. કમોસમી વરસાદ થતા ખેડૂતો ચિંતામાં મુકાયા છે.. અનેક વિસ્તારોમાં કમોસમી વરસાદ થતા પાકને નુકસાન થયું છે

ગીર સોમનાથ
અરબી સમુદ્રમાં ઉદભવેલા વાવાઝોડાને લઈને ગીર સોમનાથમાં અસર જોવા મળી રહી છે.. ગીર સોમનાથના ઉના, કોડીનાર અને સુત્રાપાડ સહિતના અનેક વિસ્તારોમાં વરસાદ વરસ્યો છે.. સતત એક કલાકમાં બે ઈંચ વરસાદ થતા અનેક વિસ્તારમાં પાણી ભરાયા.. ભારે વરસાદ થતા પાકને પણ નુકસાન થયું છે