ગુજરાત / અરબી સમુદ્રમાં સર્જાયેલા લૉ પ્રેસરના પગલે આ બે જિલ્લાના વાતાવરણમાં જોવા મળ્યો પલટો

• તાપીના વ્યારામાં વહેલી સવારે વરસાદ
• વ્યારા સહિત આજુબાજુના વિસ્તારોમાં વરસાદ
• સુરત શહેરમાં સવારથી જ વાદળછાયું વાતાવરણ

તાપીના વ્યારા સહિત આજુબાજુના વિસ્તારોમાં વરસાદી માહોલ

રાજ્યમાં આગામી 4-5 જૂનના રોજ વાવાઝોડાને લઇને ભારે વરસાદની આગાહી વચ્ચે  તાપીના વ્યારામાં વહેલી સવારે વરસાદ વરસ્યો છે. વ્યારા સહિત આસપાસના વિસ્તારોમાં વરસાદી વાતાવરણ જોવા મળ્યું છે. વહેલી સવારથી ગાજવીજ સાથે વરસાદ વરસી રહ્યો છે. વિધિવત ચોમાસાની શરૂઆત થઈ હોય તેવો માહોલ સર્જાયો છે. જો ભારે ઉકળાટ વચ્ચે વરસાદ થતાં લોકોને ગરમીથી રાહત મળી છે.

સુરત શહેરમાં સવારથી જ જોવા મળ્યું વાદળછાયું વાતાવરણ

હવામાન વિભાગ દ્વારા રાજ્યમાં આગામી 4 અને 5 જૂનના રોજ હકા નામનું વાવાઝોડું ટકરાવાની સંભાવના વ્યક્ત કરવામાં આવી છે. ત્યારે આજે વહેલી સવારથી જ સુરત શહેરના વાતાવરણમાં પલટો જોવા મળ્યો છે. સુરત શહેરના સીમાડા વિસ્તાર પર્વત પાટિયામાં કમોસમી વરસાદી ઝાપટું પડ્યું છે. જો કે ભારે ઉકળાટ વચ્ચે પડેલા માવઠાના પગલે વાતાવરણમાં ઠંડક જોવા મળી રહી છે. 

ગુજરાત પર વાવાઝોડાનો મંડરાતો ખતરો

• વાવાઝોડાને પગલે રાજ્યમાં ભારે વરસાદની આગાહી
• 4 અને 5 જૂને રાજ્યમાં ભારે વરસાદની આગાહી
• 4 જૂને વલસાડ, નવસારી, સુરતમાં વરસાદની આગાહી
• 4 જૂને ભરૂચ, વડોદરા, આણંદમાં વરસાદની આગાહી
• 4 જૂને ભાવનગર, અમરેલી, દીવમાં વરસાદની આગાહી
• 4 જૂને ગીર સોમનાથ, બોટાદમાં વરસાદની આગાહી
• 5 જૂને સુરત, ભરૂચ, નર્મદામાં વરસાદની આગાહી
• 5 જૂને વડોદરા, ડાંગ, તાપીમાં વરસાદની આગાહી
• 5 જૂને છોટા ઉદેપુર, પંચમહાલમાં વરસાદની આગાહી
• 5 જૂને દાહોદ, ખેડા, વલસાડમાં વરસાદની આગાહી
• 5 જૂને નવસારી, દમણ, અમદાવાદમાં વરસાદની આગાહી
• 5 જૂને ભાવનગર, અમરેલીમાં વરસાદની આગાહી
• 5 જૂને ગીરસોમનાથ, બોટાદ, દીવમાં વરસાદની આગાહી