ગુજરાતમાં હીકા વાવાઝોડાનો ખતરો મંડરાઇ રહ્યો છે. અરબ સાગરના દક્ષિણ-પૂર્વ વિસ્તારમાં લો પ્રેશર યથાવત્ છે. ત્યારે હવામાન વિભાગે જણાવ્યું કે 1 જૂને લો-પ્રેશર ડિપ્રેશનમાં પરિવર્તિત થશે. 2 જૂને ડિપ્રેશન વાવાઝોડામાં પરિવર્તિત થઈને આગળ વધશે. રાજ્યમાં વાવાઝોડાના પગલે જૂનાગઢના માંગરોળ, જામનગરના રોજી બંદર પર 1 નંબરનું સિગ્નલ લગાવામાં આવ્યું છે. જ્યારે નવસારીમાં કાંઠાના તમામ સરપંચ-તલાટીઓને એલર્ટ રહેવાની સુચના આપવામાં આવી છે. જ્યારે સુરત ખાતે વાવાઝોડાના પગલે 1 NDRF ની ટીમ ફાળવવામાં આવી છે.
રાજ્યમાં આગામી 4 અને 5 જૂનના રોજ વાવાઝોડાને લઇને ભારે વરસાદની આગાહી વચ્ચે સુરત અને તાપી જિલ્લાના વાતાવરણમાં પલટો જોવા મળ્યો છે. ત્યારે આ બે જિલ્લામાં કેટલીક જગ્યાઓ પર વરસાદી માહોલ જોવા મળ્યો. જો કે વાવાઝોડાના પગલે તંત્ર દ્વારા સાવચેતી રુપે બંદરો પર 1 નંબરનું સિગ્નલ લગાવામાં આવી રહ્યું છે.
જૂનાગઢના માંગરોળ બંદર પર 1 નંબરનું સિગ્નલ
રાજ્યમાં વાવાઝોડાની આગાહી વચ્ચે જૂનાગઢના માંગરોળ બંદર પર 1 નંબરનું સિગ્નલ લગાવામાં આવ્યું છે. જ્યારે માછીમારી માટે ગયેલી 1 હજારથી વધુ બોટો પરત બોલાવી લેવામાં આવી છે. માછીમારોને નજીકના બંદરોમાં બોટને રાખવાની સૂચના આપવામાં આવી છે.
માંગરોળના દરિયામાં કરંટ યથાવત્ જોવા મળ્યો છે. આ સાથે દરિયા કિનારે નહીં જવાની આપવામાં આવી છે.
જામનગરના રોજી બંદર પર 1 નંબરનુ સિગ્નલ
ગુજરાત પર વાવાઝોડાનો ખતરો મંડરાઇ રહ્યો છે ત્યારે જામનગરના રોજી બંદર પર 1 નંબરનુ સિગ્નલ લગાવવામાં આવ્યું છે. સિક્કા, બેડી બંદર અને સચાણા, રોજી બંદરથી માછીમારી માટે ગયેલી બોટોને પરત બોલાવાઇ છે. આ મહિને દરિયો ખેડવા પર પ્રતિબંધ છે. હાલ મોટા ભાગની માછીમારી કરવા ગયેલી બોટો પરત ફરી છે.
સુરતમાં 1 NDRFની ટીમ ફાળવવામાં આવી
રાજ્યમાં આગામી 4 અને 5 જૂનના રોજ વાવાઝોડાના ખતરાને લઇને સુરત ખાતે 1 NDRF ની ટીમ ફાળવવામાં આવી છે. શહેરના સુંવાલી ખાતે NDRF ટીમ ફાળવામાં આવી છે. આજે બપોર સુધીમાં સુવાલી ખાતે NDRF ની ટીમ પહોંચશે.
ભવિત વાવાઝોડાને લઈને નવસારીમાં તૈયારીઓ
જ્યારે આગામી 4 અને 5 જૂનના રોડ સંભવિત વાવાઝોડાને લઇને નવસારી ખાતે તંત્ર દ્વારા તૈયારીઓ કરવામાં આવી છે. વાવાઝોડાના પગલે 2 નોડલ ઓફિસરોની નિમણૂંક કરવામાં આવી છે. જલાલપોર તેમજ ગણદેવી કાંઠા વિસ્તારમાં નોડલ ઓફિસરોની નિમણૂંક કરવામાં આવી છે. આ સાથે માછીમારોને દરિયો ન ખડેવા માટે તંત્રએ અપીલ કરી છે. કાંઠા વિસ્તારના તમામ સરપંચ-તલાટીઓને એલર્ટ રહેવાની સુચના આપવામાં આવી છે.