IPLIN
 
  • Home
  • વિશ્વ
  • Cyclone Freddy's devastation in the African country of Malawi: more than 300 dead, the form of the storm is so severe that even the roof

વિનાશ / આફ્રિકન દેશ મલાવીમાં ચક્રવાત ફ્રેડીનો કહેરઃ 300થી વધુનાં મોત, તોફાનનું સ્વરૂપ એટલું ગંભીર કે ઈમારતોની છત પણ તૂટી પડી

Team VTV 11:15 PM, 17 Mar 23 | Updated: 11:17 PM, 17 Mar 23
Follow us
Cyclone Freddy's devastation in the African country of Malawi: more than 300 dead, the form of the storm is so severe that...

મલાવીમાં સ્થિતિ એટલી ખરાબ થઈ ગઈ છે કે તોફાન પ્રભાવિત વિસ્તારોમાં લોકોને તેમની રો‌િજંદી જરૂરિયાતો માટે પણ સંઘર્ષ કરવો પડે છે. વરસાદ અને પૂરની સ્થિતિ વચ્ચે અનેક રસ્તા જમીનમાં ધસી ગયા છે

  • આફ્રિકન દેશ મલાવીમાં ચક્રવાત ફ્રેડીનો કહેરઃ ૩૦૦થી વધુનાં મોત
  • તોફાનનું સ્વરૂપ એટલું ગંભીર કે ઈમારતોની છત પણ તૂટી પડી
  • વાવાઝોડાએ મધ્ય મોઝામ્બિકમાં તબાહી મચાવી દીધી

બે કરોડની વસ્તી ધરાવતા ગરીબ આફ્રિકન દેશ મલાવીમાં ચક્રવાત ફ્રેડીએ ભારે તબાહી મચાવી છે. અત્યાર સુધીમાં આ તોફાનથી ૩૨૬ લોકોનાં મોત થયાં છે અને મૃત્યુઆંકમાં હજુ વધારો થઈ શકે છે. ઉષ્ણકટિબંધીય તોફાનને જોતાં તબાહીએ બચેલા લોકોને પણ ફસાવી દીધા છે અને તેઓ પોતાના અસ્તિત્વ માટે સંઘર્ષ કરી રહ્યા છે.

પહાડો પર પડેલો વરસાદ પોતાની સાથે કાદવ લઈને આવ્યો
આ દિવસોમાં મલાવીમાં સ્થિતિ એટલી ખરાબ થઈ ગઈ છે કે તોફાન પ્રભાવિત વિસ્તારોમાં લોકોને તેમની રોજિદી જરૂરિયાતો માટે પણ સંઘર્ષ કરવો પડે છે. વરસાદ અને પૂરની સ્થિતિ વચ્ચે અનેક રસ્તા જમીનમાં ધસી ગયા છે અને રસ્તાની જગ્યાએ મોટા ખાડા પડી ગયા છે.મલાવીમાં પહાડો પર પડેલો વરસાદ પોતાની સાથે કાદવ લઈને આવ્યો છે. આ કાદવ લોકોનાં ઘરમાં ઘૂસી ગયો છે. ઘરની તમામ વસ્તુઓ ખરાબ થઈ ગઈ છે. પૂર પ્રભાવિત વિસ્તારોમાંથી લોકોને બચાવવાનું કામ કરવામાં આવી રહ્યું છે.

તોફાનની મહત્તમ અસર બ્લેન્ટાયર શહેરની આસપાસ જોવા મળી છે. વર્લ્ડ મી‌ટ‌ી‌રિયોલો‌જિકલ ઓર્ગેનાઈઝેશન અનુસાર ફ્રેડી દક્ષિણ ગોળાર્ધમાં ત્રાટકનાર અત્યાર સુધીનું સૌથી શક્તિશાળી તોફાન હોઈ શકે છે. તે સૌથી લાંબો સમય ચાલતો ઉષ્ણકટિબંધીય ચક્રવાત પણ માનવામાં આવે છે.

વાવાઝોડાએ મધ્ય મોઝામ્બિકમાં તબાહી મચાવી દીધી

આ ભીષણ વાવાઝોડાએ મધ્ય મોઝામ્બિકમાં તબાહી મચાવી દીધી છે. તોફાનનું સ્વરૂપ એટલું ગંભીર હતું કે ઇમારતોની છત તૂટી પડી હતી. ભૂસ્ખલનના કારણે મલાવી બાજુના ક્વિલિમેન બંદરની આસપાસ પૂર આવ્યું હતું. મલાવી પણ તેના ઈતિહાસમાં સૌથી ભયંકર કોલેરા પ્રકોપનો સામનો કરી રહ્યું છે. યુએન એજન્સીઓએ ચેતવણી આપી છે કે ફ્રેડીના કારણે ભારે વરસાદ પડી શકે છે અને તેના કારણે સ્થિતિ વધુ વણસી શકે છે.

South Africa Storm Cyclone Freddy's સાઉથ આફ્રિકા ચક્રવાત ચક્રવાત ફ્રેડી
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ