ચક્રવાત ફેની ઓડિશાના દરિયાઈ વિસ્તાર પર ત્રાટકી શકે છે. ફેની ચક્રવાતને લઈને હવામાન વિભાગે અલર્ટ પણ જાહેર કર્યુ છે. હવામાન વિભાગના જણાવ્યા મુજબ, ફેની ચક્રવાત હાલ બંગાળની ખાડીમાં સક્રિય છે. સેટેલાઈટ અને રડારથી લેવાયેલી સૂચનાના આધારે હવામાન વિભાગે અલર્ટ જાહેર કર્યુ છે.
હવામાન વિભાજ મુજબ, ચક્રવાત ફેની 4 મેના રોજ વિકરાળ રૂપ લઈ શકે છે બારે તબાહી મચાવી શકે છે. હવામાન વિભાગે એવું પણ કહ્યું છે કે, આ દરમિયાન 160થી 190 કિલોમીટર પ્રતિ કલાકની ઝડપે પવન ફૂંકાઈ શકે છે. હાલની પરિસ્થિતિ જોતા લાગી રહ્યુ છે કે, ગોપાલપુરથઈ લઈને કોણાર્ક અને બાલાસોર સુધી દરિયાઈ વિસ્તારમાં ઓડિશાના મોટા વિસ્તારમાં ફેની તબાહી મચી શકે છે.
ઓડિશામાં કહેર વરસાવ્યા બાદ ચક્રવાત ફેની ફરીથી દરિયામાં પરત ફરી શકે છે. દરિયામાં પહોંચીને ફરી એક વાર ફેની વિકરાળ રૂપ લઈ શકે છે અને બાદમાં પશ્ચિમ બંગાળના સુંદરબન તરફ વધી શકે છે. તો આગામી 4 અને 5 મેના રોજ પશ્ચિમ બંગાળના તમામ વિસ્તારમાં ફેની તબાહી મચાવી શકે છે. તો અલર્ટના પગલે નેવી અને ભારતીય સેનાને પણ અલર્ટ કરવામાં આવી છે.