વીડિયો / ફૅણીની તાકાત જોઈ લો, તેની સામે ભારે ભરખમ ક્રેન પણ ન ટકી શકી

ચક્રવાતી તોફાન ફૅણી (Fani Cyclone 2019) ઓડિશામાં તબાહી મચાવ્યા બાદ પશ્ચિમ બંગાળ પહોંચી ગયું છે. તોફાનને કારણે ઓછામાં ઓછાં 8 લોકોની મોત થઈ ગઈ છે. તોફાન ફૅણીને કારણે પશ્ચિમ બંગાળ (West Bengal)માં ભારે વરસાદ થઈ રહ્યો છે અને પવન ફૂંકાઈ રહ્યો છે. જેનાથી પૂર્વી મિદનાપુર જિલ્લામાં 50 ઘર તબાહ થઈ ગયા છે. તોફાન ફૅણીએ ઓડિશામાં કેવો વિનાશ સર્જ્યો છે તેનું ઉદાહરણ એક વીડિયોમાં જોવા મળ્યો. 

A crane used for construction of a high-rise building in Bhubaneswar came crashing when #CycloneFani struck Ofisha with full vigour Friday. pic.twitter.com/bcRSRrpdbI

— Panchanan Sahu (@panchananbbn) May 3, 2019

લગભગ 200 કિ.મી પ્રતિ કલાકની ઝડપથી ચાલી રહેલા પવનની આગળ 250 ફૂટની ભારે ભરખમ ક્રેન પણ ટકી શકી નહીં. વીડિયોમાં તમે જોઈ શકો છે કે એક નિર્માણાધીન ઈમારતની પાસે લાગેલી ક્રેન ભારે પવનની સામે ટકી શકી નહીં અને બાજુમાં રહેલાં મકાનો પર તૂટી પડી. 

ઉલ્લેખનીય છે કે ઓડિશામાં ફૅણીના કહેરને કારણે કેન્દ્રીય સ્વાસ્થ્ય મંત્રાલયે AIIMS PG 2019 પરીક્ષા માટે ભુવનેશ્વરમાં પરીક્ષા કેન્દ્ર રદ કરવાની શુક્રવારે જાહેરાત કરી અને સૂચના તથા સહાયતા ઉપલબ્ધ કરાવવા માટે એક 24x7 હેલ્પલાઈન નંબરની શરૂઆત કરવામાં આવી. કેન્દ્રીય સ્વાસ્થ્ય સચિવે લોકોને અફવાઓ પર ધ્યાન નહીં આપવાનો આગ્રહ કર્યો અને કોઈ પણ સૂચના માટે હેલ્પલાઈન નંબર 011 23061302 / 23063205 / 23061469 (ફેક્સ) પર કૉલ કરવા જણાવવામાં આવ્યું છે.