અલર્ટ / ચક્રવાત ફેની મચાવી શકે છે તબાહી, કેરળમાં ભારે વરસાદની આગાહી

ચક્રવાત ફેની આગામી 12 કલાકમાં વિકરાળ રૂપ લઈ શકે છે અને આગામી 24 કલાકમાં અતિ વિકરાળ રૂપ લઈને તબાહી મચાવી શકે છે. હવામાન વિભાગ દ્વારા ચક્રવાત ફેનીને લઈને અલર્ટ પણ જાહેર કરવામાં આવ્યું છે. હાલ ફેની ચક્રવાત બંગાળની ખાડી અને ભૂમધ્યરેખીય હિંદ મહાસાગર ઉપર જોવા મળી રહ્યું છે.
 

તો ઉત્તર ભારતનના મોસમનો પણ મિજાજ બદલાયો છે. કેરળના સૂદુરમાં વરસાદની પણ સંભાવના વ્યક્ત કરવામાં આવી છે. જોકે, હવામાન વિભાગે એવું પણ કહ્યું કે, તમિલનાડુમાંથી આ ચક્રવાત ફેનીનો ખતરો ટળ્યો છે. તમિલનાડુ, પુડુચેરી, કોમોરિન અને મન્નારની ખાડીમાં 30થી 70 કિલોમીટર પ્રતિ કલાકની ઝડપે પવન ફૂંકાઈ શકે છે.

 

હવામાન વિભાગે માછીમારોને દરિયો ના ખેડવા માટે પણ સૂચના આપી દીધી છે. હવામાન વિભાગે શ્રીલંકા, તમિલનાડુ, આંધ્રપ્રદેશ, પુડુચેરીના માછીમારોને દરિયો ના ખેડવા માટે સલાહ આપી છે. ફેની ચક્રવાત ધીરે ધીરે ઉત્તર પશ્ચિમની તરફ આગળ વધી શકે છે.

બંગાળની ખાડીમાં ઉભું થયેલું ચક્રવાત ફેની આગામી 12 કલાકમાં ખતરનાક વાવાઝોડામાં બદલાય તેવી શક્યતા છે. હવામાન વિભાગ દ્વારા કેરળ સહિત બધા દક્ષિણ  ભારતીય રાજ્યમાં ભારે વરસાદને લઇને ચેતવણી આપી છે.

હવામાન વિભાગના જણાવ્યા મુજબ પોંડિચેરી સહિત તમિલનાડૂ અને દક્ષિણ આંધ્ર પ્રદેશ સહિત તટિય વિસ્તારોમાં 3 મે સુધી વાવાઝોડાની અસર જોવા મળશે. કેરલના અનેક વિસ્તારોમાં 29 અને 30 એપ્રિલના રોજ ભારે વરસાદની સંભાવના વ્યક્ત કરવામાં આવી છે. જો કે ફેની વાવાઝોડાને લઇને ઉત્તર ભારતમાં પણ મોસમનો મિજાજ બદલાયો છે.