ફેની તોફાનએ ભયંકર સ્વરૂપ ધારણ કરી લીધું છે, અને ઓડિશાના પુરીના તટીય વિસ્તારમાં ટકરાયું છે. જેના પગલે પુરીમાં ભારે પવન સાથે વરસાદ ચાલુ થઇ ગયો છે. ફેની તોફાનના કારણે સમગ્ર વિસ્તારમાં ભારે પવન ફૂંકાઈ રહ્યો છે. ઓડિશામાં આજે ફેની વાવાઝોડાનો કહેર જોવા મળી રહ્યો છે. 'ફેની' વાવાઝોડાની ગંભીરતાને ધ્યાનમાં લઇને પહેલાંથી જ અંદાજે 12 લાખ લોકોને સુરક્ષિત સ્થળે ખસેડી દેવામાં આવ્યા છે.
જ્યારે વાવાઝોડાને ધ્યાનમાં રાખતા 223 જેટલી ટ્રેન પણ રદ કરી દેવામાં આવી છે. જ્યારે બીજી તરફ સાવચેતીના પગલાને લઇને NDRF અને આર્મી પણ તૈનાત કરવામાં આવી છે. જો કે ફેની વાવાઝોડાને લઇને રાજ્યમાં હાઇ અલર્ટ જાહેર કરી દેવામાં આવ્યું છે. જો કે એક અનુમાન મુજબ આ તોફાનની ચપેટમાં 10 હજાર ગામડા અને અંદાજે 52 શહેર આવી શકે છે.
જો કે આ ફેની વાવાઝોડું પશ્ચિમ બંગાળ, આંધ્ર પ્રદેશ, ઓડિશા અને તમિલનાડૂને પ્રભાવિત કરવાની આશંકા છે. જો કે સૌથી વધારે પ્રભાવ ઓડિશામાં જોવા મળશે. જો કે ફેની વાવાઝોડાને લઇને અલગ-અલગ સંસ્થાઓ દ્વારા હેલ્પ લાઇન નંબર બહાર પાડવામાં આવ્યો છે. ભારતીય રેલવે દ્વારા પણ હેલ્પ લાઇન નંબર જાહેર કરવામાં આવ્યો છે.