બંગાળની ખાડીમાં સર્જાયેલું ચક્રવાત ફેની હવે ધીરે ધીરે આંધ્રપ્રદેશના મછલીપટ્ટનમથી દક્ષિણ પૂર્વમાં લગભગ 700 કિલોમીટર દૂર પહોંચી ચૂક્યુ છે. હાલ પણ 130 થી 140 કિલોમીટર પ્રતિ કલાકની ઝડપે પવન ફૂંકાઈ રહ્યો છે. ત્યારે હવામાન વિભાગે આગાહી કરી છે કે આગામી 36 કલાકમાં ચક્રવાત ફેની વધુ વિકરાળ રૂપ લઈ શકે છે.
હવામાન વિભાગ દ્વારા કરવામાં આવેલી અગાહી મુજબ, આગામી 36 કલાકમાં ચક્રવાત ફેની વધુ વિકરાળ રૂપ લઈ શકે છે અને તબાહી માચાવી શકે છે. જે બાદ 170 કિલોમીટર પ્રતિ કલાકની ઝડપે પવન ફૂંકાઈ શકે છે.
હવામાન વિભાગે બંગાળ અને ઓડિશામાં ચક્રવાત ફેનીના પગલે અલર્ટ પણ જાહેર કર્યુ છે. આ સિવાય ચક્રવાત ફેની ત્રાટકે એવી શક્યતાના પગલે નૌસેનાને પણ અલર્ટ કરી દેવામાં આવી છે. હવામાન વિભાગે એવું પણ કહ્યું છે કે જેમ જેમ ચક્રવાત ફેની આગળ વધશે અને ઓડિશા તથા ઉત્તર આંધ્રપ્રદેસમાં પહોંચીને ચક્રવાત ફેની શાંત થતુ જશે.
આજે પુડુચેરી, તમિલનાડુ અને દક્ષિણ આંધ્રપ્રદેશના દરિયાઈ વિસ્તારમાં સમુદ્રમાં ઉંચા મોજા ઉછળતા પણ જોવા મળશે. જે બાદ હવામાન વિભાગે માછીમારોને દરિયો ના ખડેવા માટે પણ સૂચના આપી દીધી છે.