Wednesday, July 17, 2019
સબસ્ક્રાઈબ કરો VTVGujarati ન્યુઝ Whatsapp

વાવાઝોડું / ઓડિશામાં ચક્રવાત 'ફની'નો ખતરો, સરકારે ખાલી કરાવ્યા દરિયાઇ વિસ્તારો

ઓડિશામાં ચક્રવાત 'ફની'નો ખતરો, સરકારે ખાલી કરાવ્યા દરિયાઇ વિસ્તારો

ભીષણ ચક્રવાતી તોફાન ફનીએ હવે ભયંકર રૂપ ધારણ કરી લીધું છે. હવામાન વિભાગ દ્વારા ભારતના પૂર્વ દરિયા કાંઠાની તરફ આગળ વધી રહેલા ચક્રવાતી તોફાન ફની 3 મે ના રોજ દક્ષિણમાં ગોપાલપુર અને ચાંદબાલીની વચ્ચે ઓડિશા કિનારા પર દસ્તક આપે એવી શક્યતા છે. એ દરમિયાન હવાની સ્પીડ 175-185 કિલોમીટર પ્રતિ કલાકથી 205 કિલોમીટર પ્રતિ કલાક સુધી હોવાની શક્યતા છે.

ચક્રવાત ફની દરિયાઈ વિસ્તાર સિવાય ઉત્તરપ્રદેશમાં પણ પોતાનો કહેર વરસાવી શકે છે. હવામાન વિભાગે જાહેર કરેલી ચેતવણીમાં કહેવામાં આવ્યુ છે કે, ઓડિશામાં ચક્રવાત ફની કહેર વરસાવી શકે છે. તો કેટલાક વિસ્તારમાં હળવાથી ભારે વરસાદ પણ પડી શકે છે. 

સાથો સાથ ભારે પવન પણ ફૂંકાઈ શકે છે. તો ચક્રવાત ફનીના પગલે ઓડિશામાં પ્રભાવિત જિલ્લાઓમાં તમામ શૈક્ષણિક સંસ્થાઓને બંદ રાખવામાં આવી છે. 

ફનીના પગલે ચૂંટણી પંચે પણ 11 જિલ્લામાંથી આચાર સંહિતા હટાવી લીધી છે. જેથી કરીને આપત્તિ સમયે બચાવ અને રાહત કાર્ય હાથ ધરી શકાય. એટલું જ નહીં ઓડિશામાં 15 મે સુધી તમામ ડોક્ટર્સ અને સ્વાસ્થ્યકર્મીઓની પણ રજા રદ કરી દેવામાં આવી છે. 

મહત્વની વાત છે કે, ચક્રવાત ફનીના પગલે 100થી પણ વધુ ટ્રેન રદ થઈ છે અને કેટલીક ટ્રેનો ડાયવર્ટ કરી દેવાઈ છે. ઉલ્લેખનીય છે કે, સુપર સાયક્લોનથી પણ વધુ ખતરનાક ચક્રવાત ફની છે. તો 175 કિલોમીટર પ્રતિ કલાકની ઝડપે પવન પણ ફૂંકાઈ શકે છે. બીજી તરફ, બચાવ અને રાહત કાર્ય માટે ડિઝાસ્ટર મેનેજમેન્ટ પણ સ્ટેન્ડબાય છે. 

NDRFની 70થી પણ વધુ ટીમ તૈનાત કરવામાં આવી છે. ખાસ કરીને દરિયામાં ONGCની રિંગમાં કામ કરતા 480 જેટલા કર્મચારીઓને સુરક્ષિત સ્થળે ખસેડી દેવામાં આવ્યા છે.

જોવા જેવું વધુ જુઓ

બ્રેકિંગ ન્યૂઝ