આ તોફાનનું કેન્દ્ર ઓરિસ્સાના પારાદીપથી 980 કિલોમીટર દક્ષિણમાં સ્થિત છે
આ દરમિયાન તેની ગતિ 155-165 કિલોમીટર પ્રતિ કલાક અને વિકરાળ સ્વરૂપ ધારણ કરતા 185 કિલોમીટર પ્રતિ કલાક હોઇ શકે છે.
જ્યારે કોલકાતાના હવામાન વિભાગે આંશકા દર્શાવી છે કે તોફાન 'અમ્ફાન' રવિવારે બંગાળની ખાડીના ઉપર ચક્રવાતી તોફાનમાં બદલાઇ ગયું છે. તેના કારણે ઓરિસ્સા અને પ.બંગાળના કેટલાય દરિયાકિનારાના જિલ્લાઓમાં ઝડપી હવાઓ સાથે ભારે વરસાદ પડી શકે છે.
આ તોફાનનું કેન્દ્ર ઓરિસ્સાના પારાદીપથી 980 કિલોમીટર દક્ષિણમાં, પશ્ચિમ બંગાળના દીધાથી 1130 કિલોમીટર દક્ષિણ-દક્ષિણ પશ્ચિમમાં અને બાંગ્લાદેશના ખેપૂપારાથી 1250 કિલોમીટર દૂર દક્ષિણ-દક્ષિણ પશ્ચિમમાં સ્થિત છે. તોફાન 'અમ્ફાન' આવનારા 12 કલાકમાં વિકરાળ તોફાનમાં બદલાઇ શકે છે અને હવે પછીના 24 કલાકમાં ધીરે-ધીરે ઉત્તર તરફ આગળ વધી શકે છે.
ભૂવનેશ્વરમાં હવામાન વિભાગના ડિરેક્ટર એચ આર વિશ્વાસ અનુસાર તોફાન 'અમ્ફાન' 20 મેની બપોરે અને સાંજ પહેલા પશ્ચિમ બંગાળમાં સાગર દ્વીપસમૂહ અને બાંગ્લાદેશના હતિયા દ્વીપસમૂહ અને બાંગ્લાદેશના હતિયા દ્વીપસમૂહ વચ્ચે પ.બંગાળ-બાંગ્લાદેશના દરિયાકિનારાના વિસ્તાર પાસેથી પસાર થઇ શકે છે.
તોફાન 'અમ્ફાન'ની ઝપેટમાં આવવાથી પશ્ચિમ બંગાળના ઉત્તર અને દક્ષિણ 24 પરગના, કોલકાતા, પૂર્વ અને પશ્ચિમ મિદનાપુર, હાવડા અને હુગલી સહિત દરિયાકિનારાના જિલ્લાઓમાં 19 મે કેટલાય સ્થાનો પર હળવાથી લઇને મધ્યમ વરસાદ થઇ શકે છે જ્યારે કેટલાક સ્થાનો પર ભારે વરસાદની સંભાવના છે.