હવામાન વિભાગે આવનારા 24 કલાક માટે ચક્રાવાતી તોફાનની આશંકા જાહેર કરી છે. સાથે જ પશ્ચિમ બંગાળ, ઓરિસ્સાના અનેક ભાગમાં પણ વરસાદની ચેતવણી આપી છે. ઓરિસ્સા, પશ્ચિમ બંગાળ,મેધાલય સહિતના 8 રાજ્યોમાં આ એલર્ટ જાહેર કરવામાં આવ્યું છે. આ ચક્રાવાતનું નામ ચક્રાવાત એમફન (Cyclone Amphan ) રાખવામાં આવ્યું છે. બંગાળની ખાડીના દક્ષિણ પૂર્વમાં સવારે 5.30 મિનિટે જોવા મળેલું આ ચક્રાવાત આવનારા 24 કલાકમાં ભયાનક રૂપે આ 8 રાજ્યોને અસર કરી શકે છે.
24 કલાકમાં ભયાનક ચક્રાવાતની આગાહી
ચક્રાવાત એમફન 8 રાજ્યોને કરી શકે છે અસર
ઉત્તર પૂર્વથી બંગાળની ખાડી તરફ ફંટાશે આ ચક્રાવાત
જાણો શું કહ્યું હવામાન વિભાગે
હવામાન વિભાગના જણાવ્યા મુજબ શક્ય નીચા દબાણનું ક્ષેત્રફળ તેની ઉત્તર-ઉત્તર દિશા તરફ વળશે અને બંગાળની ખાડી તરફ પાછું વળશે. લો પ્રેશર એરિયાની ગતિ હજુ સુધી જાણી શકી નથી અને હવામાન વિભાગે સંભવિત વાવાઝોડું ક્યાં ટકરાશે તેની પણ માહિતી આપી નથી. આ વાવાઝોડું ઉત્તર ઓરિસ્સા, દક્ષિણ બંગાળ અથવા બાંગ્લાદેશમાં પણ ટકરાઈ શકે છે. જોકે હવામાન વિભાગે હજુ સુધી કોઈ સચોટ માહિતી આપી નથી, તેમ છતાં વિભાગે સ્પષ્ટ કર્યું છે કે નીચા દબાણનું ક્ષેત્રફળ વધશે અને બાદમાં તે તોફાનનું રૂપ લેશે.
ઓરિસ્સામાં પણ જાહેર કરાયું છે એલર્ટ
ઓરિસ્સામાં વાવાઝોડાને સંભવિત ખતરા સાથે પાર પાડવાની તૈયારીઓ શરૂ કરી દેવામા આવી છે. સાથે જ કલેક્ટરે પણ લોકો માટે વૈકલ્પિક આશ્રય સ્થાનોની વ્યવસ્થા કરવા કહ્યું છે. ઓરિસ્સાના રાહચ અઘિકારી પી.કે. જેનાએ કહ્યું છે કે વાવાઝોડાની સ્થિતિ અને રાજ્ય પર તેના પ્રભાવની સમીક્ષા કરવામાં આવી છે.