ઈન્ટરનેટના વધતા ઉપયોગની સાથે સાયબર ક્રાઈમના કેસમાં પણ વધારો. વર્ક ફ્રોમ હોમના નામે આઠ લાખનો ચૂનો લગાડવામાં આવ્યો. યૂટ્યૂબ ચેનલને સબસ્ક્રાઈબ કરવાના નામ પર ઠગાઈ કરવામાં આવી.
સાયબર ક્રાઈમના કેસમાં વધારો.
વર્ક ફ્રોમ હોમના નામે સાયબર ક્રાઈમ.
મહિલાએ નોંધાવી પોલીસ ફરિયાદ.
કોરોના પછી ઈન્ટરનેટનો વધુ ઉપયોગ કરવામાં આવી રહ્યો છે. જેની સાથે સાથે સાયબર ક્રાઈમના કેસ પણ વધી રહ્યા છે. ગુરુગ્રામના સેક્ટર 43 વિસ્તારમાંથી આ જ પ્રકારનો એક કિસ્સો સામે આવ્યો છે. કર્ણાટકમાં એક મહિલા પાસેથી વર્ક ફ્રોમ હોમ (work from Home) ના નામે આઠ લાખ રૂપિયા પડાવવામાં આવ્યા છે. યૂટ્યૂબ ચેનલને સબસ્ક્રાઈબ કરવાના નામ પર ઠગાઈ કરવામાં આવી હતી. મહિલાએ આ મામલે પોલીસ ફરિયાદ નોંધાવી છે.
યૂટ્યૂબ સબસ્ક્રિપ્શનની મદદથી ઠગાઈ
સરિતાએ આ મામલે પોલીસ ફરિયાદમાં જણાવ્યું છે કે, વ્હોટ્સએપ પર વર્ક ફ્રોમ હોમનો મેસેજ આવ્યો હતો. જેમાં જણાવવામાં આવ્યું હતું કે, સૌથી પહેલા યૂટ્યૂબ (Youtube) ચેનલની સદસ્યતા લેવાની રહેશે, જે માટે પ્રતિ સબસ્ક્રિપ્શને 50 રૂપિયા આપવાના રહેશે. વર્ક ફ્રોમ હોમની ઓફર કરનાર વ્યક્તિએ જણાવ્યું હતું કે, તે એક એડનેટ ગ્લોબલ માર્કેટિંગ કંપનીના આસિસ્ટન્ટ મેનેજર યુસફત છે.
સરિતા જણાવે છે કે, ‘મેં બે ચેનલની સદસ્યતા લીધી હતી, ત્યાર પછી લેલા નામની રિસેપ્શનિસ્ટનો ફોન આવ્યો હતો અને ટેલિગ્રામ આઈડી જણાવવા માટે કહ્યું હતું. લેલાને ટેલિગ્રામ પર સંદેશ મોકલ્યો તો તેણે કેટલીક ચેનલની સદસ્યતા લીધી અને 150 રૂપિયાની ચૂકવણી કરી. મને ટેલિગ્રામ ગૃપમાં ઉમેરવામાં આવી, જેમાં 180 સદસ્ય છે. આ તમામ લોકો કામ કરી રહ્યા હતા.’
8 લાખથી વધુની ઠગાઈ
લેલાએ સરિતાને જણાવ્યું કે, તે તમામ ટાસ્ક પૂરા કરશે તો તેને ફાયદો થશે. આ ટાસ્કથી 8.20 લાખ રૂપિયાની ઠગાઈ કરવામાં આવી, પરંતુ કોઈ ફાયદો થયો નહીં. બુધવારે માનેસર પોલીસ સ્ટેશનના સાયબર ક્રાઈમમાં અજ્ઞાત આરોપીઓ સામે IPC ધારા 419 (ખોટી ઓળખ જણાવવા માટે) અને 420 (છેતરપિંડી) હેઠળ ફરિયાદ નોંધાવવામાં આવી. આ મામલે પોલીસ તપાસ શરૂ કરવામાં આવી છે.