ઈ-મેઈલ / `જો તમે પરીક્ષા રદ્દ નહી કરો તો આ વિદ્યાર્થીઓનો મોર્ફ કરેલા અશ્લીલ ફોટા વાયરલ કરીશું': કોણે આપી ધમકી?

• અમદાવાદની આનંદ નિકેતન સ્કૂલમાં પરીક્ષા રદ કરવાનો મામલો
• સ્કૂલમાં એક અજાણ્યા શખ્સે મોકલ્યો હતુ ઈ-મેઈલ
• `અમે તમને એક્સપોઝ કરીશું'નો સ્કૂલના સંચાલકોને આવ્યો ઈ-મેઈલ

અમદાવાદની આનંદ નિકેતન સ્કૂલમાં પરીક્ષા રદ કરવામાં આવી છે.. સ્કૂલમાં એક અજાણ્યા શખ્સે મોકલેલા ઈ-મેઈલ બાદ સંચાલકોએ પરીક્ષા રદ કરવાનો નિર્ણય લીધો. આનંદ નિકેતન સ્કૂલને ઈ-મેઈલ આવ્યો હતો, અને તેમા લખ્યું હતુ કે, `અમે તમને એક્સપોઝ કરીશું' આ ઈ-મેઈલને શાળા સંચાલકોએ પોતાની રીતે અર્થઘટન કરીને કહ્યું કે, સ્કૂલની વિદ્યાર્થિનીઓના ફોટા વાયરલ કરવાનો મેઈલ આવ્યો છે.

1 ઓક્ટોબરના રોજ શાળાના સંચાલકોએ સાયબર ક્રાઈમમાં ફરિયાદ કરી

મળતી માહિતી મુજબ આ સ્કૂલને 9 સપ્ટેમ્બરના રોજ ઈ-મેઈલ આવ્યો હતો. ઈમેઈલ આવ્યા બાદ સ્કૂલના સંચાલકોમાં ભય જોવા મળ્યો. અને શાળાના સંચાલકોએ પરીક્ષા રદ કરી છે. પરીક્ષા કેમ રદ કરાઈ તે મામલે વાલીઓએ શાળાના સંચાલકોએ પર દબાણ કર્યું. જેની સમગ્ર હકીકત સંચાલકોએ વાલીઓને જણાવી હતી. સમગ્ર ઘટનાની જાણ થતા વાલીઓએ સ્કૂલને પોલીસ ફરિયાદ કરવાનું કહ્યું. ત્યારે હવે 1 ઓક્ટોબરના રોજ શાળાના સંચાલકોએ સાયબર ક્રાઈમમાં ફરિયાદ કરી છે.

સળગતા સવાલ
એક ઈ-મેઈલ આવ્યા બાદ કેમ પરીક્ષા રદ કરાઈ?
એક્સપોઝ કરવાનો મતલબ શું થાય છે?
શું સ્કૂલમાં કોઈ કૌભાંડ ચાલી રહ્યું છે, જેને એક્સપોઝની વાત ચાલે છે?
સ્કૂલના સંચલાકો ઈ-મેઈલથી આટલું કેમ ડરી રહ્યા છે?
સંચાલકોએ  ઈ-મેઈલનું અર્થઘટન કેમ વિદ્યાર્થીઓ પર લીધું?
પોલીસ સ્ટેશનમાં કેમ ફોટા વાયરલ કરવાની ફરિયાદ થઈ?
શું પોલીસે ઈ-મેઈલ જોયા વગર જ ફરિયાદ નોંધી?
પોલીસ અને સ્કૂલના સંચાલકના નિવેદન કેમ અલગ અલગ?