વડોદરા સાઈબર ક્રાઈમ પોલીસે ચાઇલ્ડ પોર્નોગ્રાફીના મામલે મદનઝાંપા વિસ્તારના મીતેશ પરમારને ઝડપી પાડ્યો હતો. સીઆઇડી ક્રાઇમની ટીમે ટીપલાઇનની મોકલાવેલી સીડીમાં ફતેપુરાના શખ્સની સીધી સંડોવણી જણાતાં પોલીસે ફરિયાદ નોંધી તપાસ શરૂ કરી હતી.
મિતેશના ફોનમાંથી ચાઇલ્ડ પોર્નોગ્રાફીના ફોટો મળ્યા
NCRBને મળેલી ટીપલાઇનને રાજ્યમાં ચાઇલ્ડ પોર્નોગ્રાફીની ટીપલાઇનોની તપાસ માટે રાજ્યની CID ક્રાઇમની કચેરીએ મોકલાય છે. જેમાં વડોદરાને લગતી ટીપલાઇનની સીડી તપાસ માટે મોકલાઇ હતી. જેમાં એક ટીપલાઇનની તપાસ કરતાં આ સીમ કાર્ડ બાબુ રેવાભાઇ પરમારના નામનું હતું. પરંતુ તેનો ઉપયગો તેનો પુત્ર મિતેશ બાબુ પરમાર કરતો હતો અને આ ફોન પરથી ચાઇલ્ડ પોર્નોગ્રાફીનો વીડિયો અપલોડ, ડાઉનલોડ અને શેર કરાયો હોવાનું જણાઇ આવ્યું હતું.
મિતેશ વીડિયો અપલોડ, ડાઉનલોડ અને શેર કરતો હતો
પોલીસે મિતેશને પોલીસ સ્ટેશનમાં બોલાવી ચાઇલ્ડ પોર્નોગ્રાફી વિશેના સવાલ કરતાં તેણે ઇન્કાર કરી દીધો હતો.જેથી પોલીસે તેનો મોબાઇલ ફોન જપ્ત કરી ડેટા બેકઅપની તપાસ કરતાં ચાઇલ્ડ પોર્નોગ્રાફીને લગતાં ફોટા મળી આવ્યા હતા. જેથી પોલીસે મિતેશ બાબુ ભાઇ પરમારનો કોરોના ટેસ્ટ કરાવી ધરપકડ કરી વધુ તપાસ આદરી હતી.