ચિંતા વધી / છેલ્લા 6 મહિનામાં દરરોજ સરેરાશ 190 ગુજરાતીઓએ ગુમાવ્યા 83 લાખ રૂપિયા! પોલીસમાં પણ મચી દોડધામ

• મહારાષ્ટ્ર બાદ ગુજરાતમા સૌથી વધારે ડિમેટ અકાઉન્ટ 
• ગુજરાતમા સાઇબર ક્રાઇમનાં કેસમા વધારો 
• ગત છ મહિનામા 150 કરોડ લૂંટાયા 

મહારાષ્ટ્ર બાદ ગુજરાતમા સૌથી વધારે ડિમેટ અકાઉન્ટ 

મહારાષ્ટ્ર બાદ ગુજરાત એક એવું રાજ્ય છે, જ્યાં સૌથી વધારે ડિમેટ અકાઉન્ટ હોલ્ડર છે. શેર બજારમાં ઉંમરમાં નાનાથી લઈને વૃદ્ધો સુધીના રોકાણકારો છે. ગુજરાતી લોકો પોતાના સ્માર્ટફોન પર ન માત્ર શેર ખરીદે તથા વહેંચે છે, પણ ડિજિટલ મીડિયા અને ટ્રાન્ઝેક્શનમા પણ ખૂબ જ આગળ છે, પરંતુ આ દરમિયાન એક ચોંકાવનાર ખુલાસો થયો છે. ગત છ મહિનાઓના આંકડાઓમાં સામે આવ્યું છે કે 190 ગુજરાતીઓ દરરોજ સાઇબર અપરાધીઓનાં શિકાર બની રહ્યા છે. અને સરેરાશ 83 લાખ રૂપિયા ગુમાવી રહ્યા છે. પોલીસની સાઇબર હેલ્પલાઇનના ડેટામા આ ખુલાસો થયો છે. 

ફરિયાદો પણ નોંધવામાં આવી છે 
એક રિપોર્ટ અનુસાર, સાઇબર હેલ્પલાઇન 1930 પર 1 એપ્રિલથી 30 સપ્ટેમ્બર વચ્ચે કુલ 34,464 કોલ્સ આવ્યા છે. સાઇબર ક્રાઇમની આ ફરિયાદોમાં 150 કરોડ રૂપિયાની છેતરપિંડી થઈ છે. ગુજરાત પોલીસની સાઇબર ક્રાઇમ સેલે કાર્યવાહી કરતાં 38 કરોડ રૂપીયા ફ્રીઝ કરાવ્યા છે, જ્યારે પીડિતોને માત્ર 7 કરોડ રૂપિયા રકમ જ પરત મળી છે. આવામા સરેરાશ દરરોજ 190 ગુજરાતીઓને 83 લાખ રૂપિયાનું નુકસાન થઈ રહ્યું છે. સાઇબર અપરાધી તેમના અકાઉન્ટથી રૂપિયા કાઢી લે છે. ગુજરાત પોલીસ અધિકારી અનુસાર, આર્થિક અપરાધના મામલામાં અમુક લોકોએ ફરિયાદ દાખલ કરાવી જ નથી, કેમકે ઓનલાઈન લૂંટવામાં આવેલ રકમ ઓછી હતી. 

રિક્લેમ કરી શકાય છે 
ગુજરાતનાં ડીજીપી આશિષ ભાટિયા કહે છે કે પીડિત સાઇબર ક્રાઇમની ફરિયાદનાં આધાર પર પોતાની રકમનો દાવો કરી શકે છે જો તેમણે સાઇબર ક્રાઇમ પોર્ટલ પર ફરિયાદ દાખલ કરાવી છે તો. ભાટિયા કહે છે કે ફરિયાદ દાખલ થતાં જ વેબસાઇટ સાથે જોડાયેલ 100 કરતાં વધારે ફાઈનાન્સિયલ સંસ્થાનોમા લૂંટવામાં આવેલી રકમને ફ્રીઝ કરાવવાનો મેસેજ ચાલ્યો જાય છે. આવામા આ સંસ્થાનો તરત જ સાઇબર અપરાધીઓ પાસે પહોંચેલી રકમને ફ્રીઝ કરાવી દે છે, જે તેમને ટ્રાન્સફર થઈ જાય છે. ભાટિયા અનુસાર, પોલીસ 10,974 નોટિસ જાહેર કરીને 38,33,04,911 રૂપિયાની ધનરાશી હોલ્ડ કરાવી છે, આમાં 6.87 કરોડ રૂપિયા પીડિતોને પરત કરવામાં આવ્યા છે.