ફેસબુક પર વિદેશી મહિલાના નામે મિત્રતા કેળવી ગિફ્ટ આપવાના નામે છેતરપિંડી કરતી ગેંગ ઝડપાઇ ગઇ છે. સાયબર ક્રાઈમે એક નાઇઝીરીયન યુવક અને મણિપુરના બે યુવકોની દિલ્હીથી ધરપકડ કરી છે. આરોપીઓએ અમદાવાદના આધેડ પાસેથી રૂ.32 લાખની ઠગાઈ કરી હતી. જુઓ કેવી રીતે નાઈઝીરીયન ગેંગ બનાવતા હતા શિકાર...
ફેસબુકમાં વિદેશી યુવતી બનીને ઠગાઈનો પ્રર્દાફાશ
નાઈઝીરીયન ગેંગ સહિત ત્રણ ઝડપાયા
અમદાવાદના આઢેડ પાસેથી પડાવ્યા હતા 32 લાખ
ઉડેચુક્વુ ઓન્યેબુચી, માંગખોલુંન હાઉકીપ અને હેખોલમ ગમાર નામના ત્રણ આરોપીઓ નાઈઝીરીયા અને મણીપુરના રહેવાસી છે.. આ આરોપીઓ વિદેશી મહિલાના નામે ફેસબુક એકાઉન્ટ બનાવી લોકો સાથે મિત્રતા કેળવતા હતા. બાદમાં મોંઘી ગિફ્ટ મોકલી હોવાનુ જણાવી કસ્ટમ, રેવન્યુ વિભાગના અધિકારી દ્વારા મની લોડરીંગનો ગુનો નોંધાવાની ધમકી આપી રૂપિયા પડાવતા હતા. આ ગેંગએ અમદાવાદના એક આધેડ પાસેથી રૂ.32 લાખની છેતરપિંડી આચરી હતી. જેની ફરિયાદ બાદ સાયબર ક્રાઈમે ત્રણેય આરોપીની દિલ્હીથી ધરપકડ કરી.
અમદાવાદના આધેડ પાસેથી 32 લાખ રૂપિયા અલગ-અલગ 14 એકાઉન્ટમાં ટ્રાન્સફર કરાવ્યા હતા. સાયબર ક્રાઈમે આ ગેંગની ધરપકડ કરીને પુછપરછ કરતા ખુલાસો થયો હતો કે આરોપીએ બેન્ક એકાઉન્ટ ભાડે રાખતા હતા. જે એકાઉન્ટમાં એક દિવસમા 25 હજાર ટ્રાન્જેકશન થતા હોય તેને 8 હજાર ભાડુ આપતા હતા. જ્યારે 50 હજારનુ ટ્રાન્જેકશન થઈ શકે તેને 10 હજાર અને 1 લાખનુ થઈ શકે તેને 15 હજાર એકાઉન્ટનુ ભાડુ ચુકવતા હતા. સાયબર ક્રાઈમએ આ ગેંગ પાસેથી 10 મોબાઇલ, અલગ-અલગ બેંકના કાર્ડ, પાસબુક, ચેકબુક, આધારકાર્ડ અને પાનકાર્ડ મળ્યા છે.
ગીફટ આપવાના નામે છેતરપિંડી કરતી આ ગેંગની મોડસ ઓપરેન્ડી અને તેમની પાસેથી મળી આવેલી બેંકની વિગતોના આધારે તપાસ કરતા અન્ય ફરિયાદો પણ સામે આવી શકે છે. હાલમા તો આ ગેંગ સાથે સંડોવાયેલા અન્ય ફરાર આરોપીની પોલીસે શોધખોળ શરૂ કરી છે.