જો તમારૂ બાળક પણ મોબાઈલ પર વધારે ઓનલાઈન ગેમ રમે છે તો હવે તમારે તમારા બાળક પર ખાસ ધ્યાન રાખવાની જરૂર છે. હકીકતે. ઓનલાઈન ફ્રોડના ઘણા મામલા સામે આવી રહ્યા છે. જેમાં ઠગ બાળકોને ગેમમાં વ્યસ્ત કરીને બેન્ક એકાઉન્ટ ખાલી કરી દે છે. કાનપુરથી પણ એક એવો જ મામલો સામે આવ્યો છે. જેમાં બાળકે ઓનલાઈન ગેમ રમવાના ચક્કરમાં પિતાના ખાતામાંથી 5 લાખ રૂપિયા ઉડાવી દીધા છે.
શું છે સંપૂર્ણ ઘટના?
હકીકતે કાનપુરના નબાબગંજના રહેવાસી ચંદ્રા શેખરના ખાતામાંથી 20 દિવસોમાં 5 લાખ રૂપિયાનું ટ્રાન્ઝેક્શન એક જ ખાતામાં થયું છે. જ્યારે યુવકે તપાસ કરી તો ખબર પડી કે તેના દિકરાએ પૈસા ટ્રાન્સફર કર્યા છે. બાળકે જણાવ્યું કે તે મોબાઈલમાં ફ્રી ફાયર ગેમ રમી રહ્યો હતો. જે બે સ્ટેજ બાદ લોક થઈ ગઈ. લોક ખોલાવવા માટે દિકરાએ યૂ ટ્યુબથી એક નમ્બર કાઢ્યો જેમાં ગેમ અનલોક કરવાના નામ પર પહેલા 750 રૂપિયા પછી ધીરે ધીરે 20 દિવસમાં 5 લાખ રૂપિયા ટ્રાન્સફર કરી દેવામાં આવ્યા.
એકાઉન્ટ કરવામાં આવ્યું ફ્રીઝ
દિકરા પાસે જાણકારી લઈને પિતાએ કમિશ્નરેટ ક્રાઈમ બ્રાંચમાં ફરિયાદ દાખલ કરાવી છે. મામલામાં પોલીસે જણાવ્યું કે ફરીયાદ મળવા પર મમલો દાખલ કરવામાં આવ્યો છે. તેની સાથે જ જે ખાતામાં પૈસા ગયા છે તેને ફ્રીઝ કરી દેવામાં આવ્યું છે. ટૂંક સમયમાં આરોપીની પણ ધરપકડ કરી દેવામાં આવશે.