મોટો ખુલાસો / BIG-BREAKING: એર ઈન્ડિયાના ડેટા સેન્ટર પર સાઈબર હુમલામાં 45 લાખ મુસાફરોની માહિતીની ચોરી

• એર ઇન્ડિયાના પેસેન્જર્સનો ડેટા લીક !
• એર ઇન્ડિયાના ડેટા સેન્ટર પર સાયબર અટેક થયો
• અંદાજે 45 લાખ પેસેન્જર્સના ડેટાની ચોરી થઇ 

એર ઇન્ડિયાના 45 લાખ પેસેન્જર્સનો ડેટા લીક થયો છે. એર ઇન્ડિયાના ડેટા સેન્ટર પર સાયબર અટેક થયો હોવાની વાત સ્વિકારી છે. જેમાં અંદાજે 45 લાખ પેસેન્જર્સના ડેટાની ચોરી થઇ છે. આ હેકિંગ ફેબ્રુઆરી 2021માં થયું હતું. હેકિંગ અંગેની જાણકારી AIએ વેબસાઇટ પર આપી છે. સાયબર સિક્યોરિટી અટેકમાં પેસેન્જર્સની પર્સનલ વિગતો ચોરવામાં આવી છે. દેશ-વિદેશના પેસેન્જર્સની માહિતી ચોરવામાં આવી છે. પાસપોર્ટની વિગત સહિત મુસાફરોના ક્રેડિટ કાર્ડની ડિટેલ ચોરાઇ છે. જો કે, ક્રેડિટ કાર્ડના CVV અને CVC નંબરોની ચોરી થઈ નથી. 26 ઓગસ્ટ 2011થી લઇને 20 ફેબ્રુઆરી 2021 સુધીનો ડેટા ચોરાયો છે.

એર ઈન્ડિયાએ ખુદ સ્વિકાર્યું છે કે, આ પ્રકારનો સાઈબર હુમલો થયો છે. અને જેમાં મુસાફરોની માહિતી સાથે તેમના નામ, બર્થડેટ, કોન્ટેક્ટ ડિટેલ્સ, પાસપોર્ટ ડિટેલ, ટિકિટની જાણકારીની ચોરી થઇ છે. સ્ટાર અને એર ઇન્ડિયામાં વારંવાર મુસાફરી કરનારાની વિગતો પણ ચોરી થઇ છે. સ્ટાર એલાન્સ સાથે એર ઇન્ડિયાનું ટાઇઅપ છે.

ડેટા ચોરી SITA PSSથી થઇ છે. ડેટા પ્રોસેસરનું કામ યાત્રીઓ સેવા માટે કરે છે. SITA PSS ડેટા સ્ટોરિંગ અને પ્રોસેસિંગ માટે જવાબદાર હોય છે. આ પહેલા 25 ફેબ્રુઆરી 2021એ જાણકારી આપી હતી. ત્યાર બાદ 25 માર્ચ અને 5 મે એ જાણકારી આપી છે.  ડેટાને સુરક્ષિત રાખવા અને ડેટા સિક્યોરિટીની ઘટના અંગે તપાસ થઇ રહી છે. એર ઇન્ડિયા FFP પ્રોગ્રામનો પાસવર્ડ પણ બદલવામાં આવશે. પેસેન્જર્સને પોતાના પાસવર્ડ બદલવાની AIએ ભલામણ કરી છે.