આફત / સાયબર અટેક : ચીનની જાસૂસી વચ્ચે NICનાં 100 કોમ્પ્યુટર થયા હેક, જેમાં PMથી માંડી NSA સુધીના ડેટા હોય છે

• રાષ્ટ્રીય માહિતી કેન્દ્રોના કોમ્પ્યુટર્સના ડેટામાં સેંધ
• NICના કોમ્પ્યુટર્સ હેકર્સ દ્વારા કરાયા હેક
• આ કોમ્પ્યુટરોમાં PMથી લઇ NSA સુધીના હોય છે ડેટા
• કોમ્પ્યુટરોમાં ભારતીય સુરક્ષા,નાગરિક સહિતનાના ડેટા

ચીની જાસૂસીના આફત વચ્ચે આવી પડેલી બીજી આફત ઉંઘ ઉડાડી દેનારી તથા ચિંતામાં વધારો કરી દેનારી છે. NICમાં સાયબર અટેકની નવી સમસ્યા ઉભી થઇ છે. NICના કોમ્પ્યુટરોને હેકર્સ દ્વારા હેક કરાયા  છે. NICના લગભગ 100 જેટલા કોમ્પ્યુટર્સને ટાર્ગેટ કરવામાં આવ્યા છે. 

હેક થયેલા આ કોમ્પ્યુટરોમાં PMથી લઇ NSA ભારતીય સુરક્ષાના ડેટા સામેલ હોય છે. NICના કોમ્પ્યુટર્સમાં VIP હસ્તિઓનો ડેટા પણ હોય છે. આ મામલે દિલ્હી પોલીસની સ્પેશિયલ સેલ દ્વારા તપાસ તેજ કરાઇ છે.

ઉલ્લેખનીય છે કે ચીનની એક કંપની છેલ્લા કેટલાય સમયથી પીએમથી માંડી દેશના ઉદ્યોગપતિઓ સહિત 10 હજાર લોકોની જાસૂસી કરી રહી છે. એટલુંજ નહીં તે તમામ લોકોની પૈસાની લેવડ દેવડ પર પણ નજર રાખી રહી છે. જેને લઈને હાલમાં જ એક તપાસ સમિતી બનાવવામાં આવી છે. હજું એક સમસ્યાને પહોંચી વળ્યા નથી ત્યાં બીજી સમસ્યા ઉભી થઈ છે.