WC 2019 / શું થશે જો સેમી ફાઇનલ અને ફાઈનલ વરસાદમાં ધોવાઈ જાય તો?

અત્યાર સુધી વરસાદને કારણે 4 મેચ રદ્દ થઇ ચૂકી છે. આ સાથે જ ઘણી મેચ વરસાદથી પ્રભાવિત થઇ જેના લીધે ડકવર્થ લૂઇસના નિયમ હેઠળ મેચના પરિણામ આવ્યુ.

વર્લ્ડ કપના ઇતિહાસમાં પહેલી વખત કોઇ એક ટૂર્નામેન્ટમાં 4 મેચ વરસાદને કારણે રદ્દ થઇ છે. આ પહેલા 1992 અને 2002માં વર્લ્ડ કપમાં વરસાદને કારણે 2 મેચ રદ્દ થઇ છે.

સતત વરસાદને કારણે મેચમાં મુશ્કેલી ઉભી થઇ રહી છે તેને લઇને ICCના સીઇઓ એ કહ્યુ કે,  ''વર્લ્ડ કપની દરેક મેચ માટે એક રિઝર્વ દિવસ રાખવામાં આવે તો ટૂર્નામેન્ટ લાંબી થઇ જાય અને સાથે ખાતરી પણ નથી કે રિઝર્વવાળા દિવસે વરસાદ ના પડે. વર્લ્ડ કપની 1 મેચ માટે લગભગ 1200થી વધારે લોકો સાઇટ પર હોય છે. એવામાં રિઝર્વ ડે રાખવા પર કર્મચારીઓની સંખ્યામાં વધારો કરવો પડે. અમે જાણીએ છીએ કે. વર્લ્ડ કપમાં 45 ગ્રુપ મેચ રમાશે, નૉક આઉટ મેટ (સેમિફાઇનલ-ફાઇનલ) માટે એક દિવસ રિઝર્વ રાખવામાં આવ્યો છે. ''

શું થશે જો સેમિ ફાઇનલ મેચમાં વરસાદ પડશે તો?

સેમિફાઇનલ મેચમાં વરસાદ આવે તો એક રિઝર્વ દિવસ હોય છે જે દિવસે મેચ રમાઇ શકે. જો રિઝર્વ દિવસે પણ વરસાદ આવે તો લીગ મેચમાં જે ટીમના પૉઇન્ટ્સ વધારે હશે તે ફાઇનલ મેચમાં પહોંચી જશે.

શું થશે જો ફાઇનલ મેચમાં વરસાદ પડશે તો?

ફાઇનલ મેચમાં જો વરસાદ આવે તો એક રિઝર્વ દિવસ હશે ત્યારે મેચ રમાશે. જો રિઝર્વ દિવસે પણ વરસાદ આવે તો ફાઇનલમાં પહોંચેલી ટીમ ટ્રોફી શૅર કરશે. ફાઇનલ મેચમાં જો ટાઇ જાય તો સુપર ઑવરમાં નિર્ણય લેવામાં આવશે.