પ્રેમ / બે યુવકોની Love Story! 8 વર્ષ સુધી ચાલ્યું રિલેશન પછી આ રીતે થયા લગ્ન

• હૈદરાબાદમાં થયા પહેલા સમલૈંગિક લગ્ન 
• કપલે પરિવારની હાજરીમાં કર્યા લગ્ન 
• તેલંગાણામાં સમલૈંગિક પુરૂષોના પહેલા લગ્ન

હૈદરાબાદના એક સમલૈંગિક કપલે પોતાના પરિવાર અને નજીકના મિત્રોની સાથે રીંગ એક્સચેન્જ કરી અને લગ્નના સંબંધમાં બંધાઈને તેને ઓફિશ્યલ કર્યો. આ પ્રસંગનું આયોજન શનિવારે હૈદરાબાગના બહારના વિસ્તારમાં સ્થિત એક રિસોર્ટમાં કરવામાં આવ્યું હતું. 

પ્રસંગમાં બંગાળી અને પંજાબી લગ્નની વિધિ થઈ. કારણ કે એક અગ્રણી હોટેલ મેનેજમેન્ટ ઇન્સ્ટિટ્યૂટમાં વરિષ્ઠ ફેકલ્ટી મેમ્બર સુપ્રિયો કોલકાતાના છે અને મલ્ટીનેશનલ કંપનીના કર્મચારી અભય દિલ્હીના છે.

તેલંગાણામાં સમલૈંગિક પુરૂષોના પહેલા લગ્ન 
તેલંગાણામાં સમલૈંગિક પુરૂષોના પહેલા લગ્નમાં સુપ્રિયો ચક્રવર્તી અને અભય ડાંગ પોતાના લગભગ એક દશક લાંબા સબંધને આગળ વધારતા લગ્નના બંધનમાં બંધાઈ ગયા. સુપ્રિયોએ જણાવ્યું કે તેમના લગ્નએ બધાને મજબૂત સંદેશ આપ્યો છે કે ખુશ રહેવા માટે કોઈની પરવાનગીની જરૂર નથી. સમલૈગિંક પુરૂષોને તેલંગાણાના પહેલા સમલૈંગિક જોડી માનવામાં આવી રહી છે. બન્નેની લવ સ્ટોરી 8 વર્ષ સુધી ચાલી અને પછી બન્નેએ રોયલ અંદાજમાં લગ્ન કર્યા. 

રિસોર્ટમાં અભય અને સુપ્રિયોએ કર્યા લગ્ન 
તેમણે કહ્યું કે જોકે લગ્નને રજીસ્ટ્રર્ડ નથી કરવી શકાયા. પરંતુ સમારોહમાં પરિવારના લોકો અને મિત્રો એકઠા થયા. 31 વર્ષીય સુપ્રિયો અને 34 વર્ષીય અભયે એક બીજાને રીંગ પહેરાવી અને શનિવારે એક રિસોર્ટમાં થયેલા લગ્ન સમારોહમાં એક બીજા સાથે લગ્ન કર્યા.