સ્પષ્ટતા / ભલે મારું માથું કાપી નાખો, પણ....: મોંઘવારી ભથ્થાને લઇને મમતા બેનર્જીનું મોટું નિવેદન

• બંગાળમાં મોંઘવારી ભથ્થાને લઈને ધરણા
• રાજ્ય સરકારના કર્મચારી કરી રહ્યા છે એક્સ્ટ્રા ડીએની માંગ 
• તેના પર CM મમતા બેનર્જીએ આપ્યુ નિવેદન 

પશ્ચિમ બંગાળમાં વિપક્ષી બીજેપી, કોંગ્રેસ અને વામપંથી કેન્દ્ર સરકારના કર્મચારીઓના બરાબર મોંઘવારી ભથ્થુ અથવા DAની માંગ કરી રહ્યા છે. મુખ્યમંત્રી મમતા બેનર્જીએ મોંઘવારી ભથ્થાના મુદ્દા પર વિપક્ષ સમર્થિત વિરોધ પ્રદર્સન પર નિશાન સાધ્યું છે. 

ત્યાં જ તેમણે કહ્યું છે કે રાજ્યની પાસે પોતાના કર્મચારીઓને વધારે ચુકવણી કરવા માટે ફંડ નથી. મુખ્યમંત્રીએ કહ્યું, "તે વધારે માંગતા રહે છે, હું વધારે કેટલું આપું?"

વિરોધ પ્રદર્શન પર વ્યક્ત કર્યો ગુસ્સો 
મમતા બેનર્જીએ વિરોધ પ્રદર્શન પર ગુસ્સો વ્યક્ત કર્યો છે. તેમણે કહ્યું, "અમારી સરકાર માટે વધારે DA આપવું સંભવ નથી. અમારી પાસે પૈસા નથી. અમે વધારે 3 ટકા DA આપ્યું છે. જો તમે તેનાથી ખુશ નથી તો તમે મારૂ માથુ કાપી શકો છો. તમને વધારે કેટલુ DA જોઈએ છે?"

ક્યાંથી શરૂ થયો સમગ્ર મામલો?
રાજ્યના નાણામંત્રી ચંદ્રિમા ભટ્ટાચાર્યએ 15 ફેબ્રુઆરીએ વિધાનસભામાં 2023-23નું બજેટ રજૂ કર્યું હતું. તે સમયે તેમણે જાહેરાત કરી હતી કે સરકાર માર્ચથી શિક્ષકો અને પેન્શનર્સ સહિત પોતાના કર્મચારીઓને 3 ટકા વધારે DAની ચુકવણી કરશે. 

જણાવી દઈએ કે અત્યાર સુધી રાજ્ય મૂળ વેતનના 3 ટકા ડીએના રૂપમાં આપી રહી હતી અને બજેટ જાહેરાતનો મતલબ હતો કે સરકાર માર્ચથી શિક્ષકો અને પેન્શનર્સ સહિત પોતાના કર્મચારીઓને 3 ટકા વધારે DAની ચુકવણી કરશે. 

મમતા બેનર્જીના પ્રહાર 
મુખ્યમંત્રી મમતા બેનર્જીએ પોતાના ભાષણમાં વામપંથીઓ અને બીજેપી પર નિશાન સાધ્યું છે. બન્ને પાર્ટીઓ રાજ્ય સરકારના કર્મચારીનું કેન્દ્ર સરકારના કર્મચારીઓના બરાબર DAની માંગનું સમર્થન કરી રહી છે. 

મમતા બેનર્જીએ પુછ્યું, "કેન્દ્ર સરકાર અને રાજ્ય સરકારના વેતન અલગ અલગ છે. આજે બીજેપી, કોંગ્રેસ અને સીપીએમ એક સાથે આવી ગઈ છે. કઈ સરકાર વેતનની સાથે આટલી રજાઓ આપે છે?"

કેન્દ્ર સરકાર સાથે તુલના કેમ? 
વિપક્ષ પર નિશાન સાધતા બંગાળના મુખ્યમંત્રીએ કહ્યું, "મેં સરકારી કર્મચારીઓને 1.79 લાખ કરોડ DAની ચુકવણી કરી છે. અમે 40 દિવસની પેડ લીવ આપીએ છીએ. તમે કેન્દ્ર સરકારની તુલના કેમ કરો છો? અમે મફત ચોખા આપીએ છીએ, પરંતુ રસોઈ ગેસની કિંમત ખબર છે? તેમણે ચૂંટણીના એક દિવસ બાજ જ કિંમત વધારી હતી. આ લોકોને સંતુષ્ટ થવા માટે હજુ શું વધારે જોઈએ છે?"