BIG NEWS / પેટની અંદર ડ્રગ્સની 87 કેપ્સ્યુલ સંતાડીને ભાગી રહ્યો હતો, મુંબઈ એરપોર્ટ પરથી 13 કરોડનાં કોકેઇન સાથે વિદેશીની ધરપકડ

• મુંબઈમાંથી ડ્રગ્સને લઇ મોટી કાર્યવાહી
• મુંબઈ એરપોર્ટ પરથી નશીલા પદાર્થોનો જથ્થો મળ્યો
• એક વ્યક્તિની ધરપકડ કરવામાં આવી છે

મુંબઈમાંથી મોટી કાર્યવાહી કરવામાં આવી છે. મુંબઈ એરપોર્ટ પરથી નશીલા પદાર્થોનો મોટો જથ્થો મળી આવ્યો છે. કહેવાય છે કે 10 કરોડ રૂપિયાથી વધુની કિંમતનું ડ્રગ્સ જપ્ત કરવામાં આવ્યું છે. આ કેસમાં એક વિદેશી વ્યક્તિની ધરપકડ પણ કરવામાં આવી છે. વ્યક્તિ પેટની અંદર 87 કેપ્સ્યુલ ગળીને લઇ આવતા પકડાયો હતો. આ નશીલા પદાર્થોની કિંમત અંદાજે 13 કરોડ રૂપિયા છે. તેમાં મુખ્યત્વે કોકેઈનનો સમાવેશ થાય છે. કોકેઈનની કુલ 87 કેપ્સ્યુલ જપ્ત કરવામાં આવી હોવાનું કહેવાય છે.

Mumbai Customs Department seized cocaine worth Rs 13 Crores, in the form of 87 capsules concealed in the stomach of a foreign national, at Mumbai International Airport. The passenger has been arrested. Further investigation is underway. pic.twitter.com/hXTy6q1oBE

— ANI (@ANI) September 3, 2022

મુંબઈ કસ્ટમ વિભાગના અધિકારીઓએ મુંબઈ એરપોર્ટ પર આ કાર્યવાહી કરી છે. આ કેસમાં એકની ધરપકડ કરવામાં આવી છે. હાલમાં તેની સઘન તપાસ કરવામાં આવી રહી છે. આ કાર્યવાહીને કારણે મુંબઈ એરપોર્ટ પર સુરક્ષા અને ચેકિંગ પણ કડક કરી દેવામાં આવ્યું છે. આ કાફલાના કારણે ગણેશોત્સવના સમયમાં ઘણી તપાસો સર્જાઈ શકે છે. જંગી માત્રામાં ડ્રગ્સ મળી આવતા હવે અનેક શંકાઓ વ્યક્ત કરવામાં આવી રહી છે. જેના આધારે પોલીસે તપાસ હાથ ધરી છે.