મુંદ્રા પોર્ટ ઉપર કસ્ટમ અને DRI વિભાગને 7 શંકાસ્પદ કન્ટેનરને રોકવામાં આવ્યા, આ કન્ટેનર પાકિસ્તાન દ્વારા ચીન મોકલાઈ રહ્યા હોવાનું પણ મનાઈ રહ્યું છે
મુંદ્રા પોર્ટ ઉપર કસ્ટમ અને DRIની કાર્યવાહી
7 શંકાસ્પદ કન્ટેનરને રોકવામાં આવ્યા
પાકિસ્તાન દ્વારા ચીન મોકલાઈ રહ્યા હતા કન્ટેનર
મુન્દ્રા બંદર વિભાગ પર સંદીગ્ધ એવા કન્ટેનર્સની તપાસમાં માદક પદાર્થોનો જંગી જથ્થો ઝડપાયો હતો..શંકાના આધારે 4 કન્ટેનર જપ્ત કરાયા હતા. જેમાં 2 કન્ટેનરમાંથી 2500 કરોડનું મળી આવ્યું હતું જેને લઈને DRI અને NCBની ટીમો તપાસમાં જોતરાઈ હતી..હજુ પણ તપાસનો ધમધમાટ ચાલી રહ્યો છે, એવામાં મુંદ્રા પોર્ટ ઉપર કસ્ટમ અને DRI વિભાગને વધુ 7 શંકાસ્પદ કન્ટેનરને રોકવામાં આવ્યા છે. આ કન્ટેનર પાકિસ્તાન દ્વારા ચીન મોકલાઈ રહ્યા હોવાનું પણ મનાઈ રહ્યું છે.. તો બીજી તરફ આ શંકાસ્પદ કન્ટેનરમાં પરમાણું હથિયાર બનાવવાનો કાચો જથ્થો હોવાની શક્યતાઓ સેવાઈ રહી છે..
પાકિસ્તાન દ્વારા ચીન મોકલાઈ રહ્યા હતા કન્ટેનર
અગાઉ મુદ્રામાં ચાર કન્ટેનર્સ અટકાવ્યા હતા જેમાં આતંરાષ્ટ્રીય બજારમાં 2500 કરોથી વધુની કિંમતનું ડ્રગ્સ મળી આવ્યું હતું મહત્વનું છે કે છેલ્લા બે વર્ષથી સિરક્રીક વિસ્તારમાંથી નશીલા પદાર્થોના પેકેટ્સ મળ્યા છે BSFનાં જવાનો એ હસ્તગત કરેલા આ નશીલા પદાથીના પેકેટ્સ પાકિસ્તાનથી આવતા હોવાની પુષ્ટિ પણ કરી છે. કેટલાક પાકિસ્તાની માછીમારો દરિયામાં માછીમારીની આડમાં ભારતમાં અને ખાસ કરીને ગુજરાતના દરિયાઈ માર્ગેથી નશા જાળ બિછાવી રહ્યા છે. 2018-2019 દરમિયાન આંતર રાષ્ટ્રીય બજારમાં કરોડોની કિમતના કહેવાતા ચરસના પેકેટ્સ હાથ લાગ્યા હતા.
ગુજરાત ડ્રગ્સના કારોબાર માટેનું હબ બન્યું
મહત્વનું છે કે અગાઉ પણ સુરત અને દ્વારકામાં કરોડોનું ડ્રગ્સ ઝડપાયું હતું ત્યારે ફરી મોરબીના ઝીંઝુડા ગામમાંથી કરોડોનું ડ્રગ્સ મળી હતું. કચ્છના મુંદ્રા પોર્ટ ઉપરથી પણ 21 હજાર કરોડનો 2988 કિલો હેરાઇન ઝડપાયું જે બાદ સુરતમાં MD ડ્રગ્સનો 58.530 ગ્રામ જથ્થો ઝડપાયો હતો, આમ જોતા હવે લાગી રહ્યું છે કે ગુજરાત ડ્રગ્સના કારોબાર માટેનું હબ બની રહ્યું છે. અગાઉ પણ રાજ્યમાં ડ્રગ્સના મળવાના અનેક કિસ્સા સામે છે, જો વાત કરવામાં આવે તો 24 ઓક્ટોબરે અમદાવાદમાં 25 લાખનું ડ્રગ્સ ઝડપાયુ, તો 23 ઓક્ટોબરે વડોદરામાંથી ગાંજો અને MD ડ્રગ્સ ઝડપાયું, જ્યારે 22 ઓક્ટોબરે રાજકોટમાં ક્રિકેટર ડ્રગ્સ સાથે ઝડપાયો હતો, એટલું જ નહીં 12 ઓક્ટોબરે ડિસામાંથી 15 લાખનું ડ્રગ્સ ઝડપાયું તો 26 સપ્ટેમ્બરે સુરતથી 1 કિલો હાઇબ્રિડ ગાંજો મળી આવ્યો હતો..જ્યારે 25 સપ્ટેમ્બરે સુરતથી 19.62 લાખનું MD ડ્રગ્સ જપ્ત પકડાયું હતું, જ્યારે 20 સપ્ટેમ્બરે પોરબંદર ડ્રગ્સ સાથે 7 ઇરાની નાગરિકો ઝડપાયા હતા. જ્યારે 4 ઓગસ્ટે વલસાડથી MD ડ્રગ્સ બનાવતી કંપની પર દરોડા પાડી કાર્યવાહી હાથ ધરવામાં આવી હતી.